IL-PRIM MINISTRU JILTAQA' MAL-KUNSILL TAT-TARZNA

Il-Prim Ministru illum iltaqa' mal-Kunsill tat-Tarzna, fil-Berġa ta' Kastilja, biex jiġu diskussi l-iżviluppi fit-Tarzna.

Il-Kunsill informa lill-Prim Ministru li l-pagi li jmiss fl-14 ta' Settembru jistgħu jitħallsu mir-riżorsi tat-Tarzna bħal ma ġara matul Awissu wara li t-Tarzna rċeviet pagamenti għal xogħlijiet li saru dan l-aħħar.

Il-Prim Ministru avża lill-Kunsill tat-Tarzna li bid-deċiżjoni tal-Kabinett il-bieraħ, fiċ-ċirkostanzi, jekk it-Tarzna ma jkollhiex fondi tagħha biex tħallas il-pagi, mhux se javvanza flus lit-Tarzna.

Preżenti għal-laqgħa kien hemm ukoll il-Viċi Prim Ministru Lawrence Gonzi, il-Ministru tal-Finanzi John Dalli u l-Ministru għas-Servizzi Ekonomiċi Josef Bonnici