KUMPENS EX GRATIA GĦAL ILMENTI MRESSQA QUDDIEM IL-KUMMISSJONI GĦALL-INVESTIGAZZJONI TA' INĠUSTIZZJI

Numru ta' persuni kienu ressqu l-ilment tagħhom quddiem il-Kummissjoni għall-Investigazzjoni ta' Inġustizzji imma, minkejja l-fatt li l-Kummissjoni ddeċidiet li l-ilment tagħhom hu ġustifikat u l-Gvern laqa' r-rakkomandazzjoni tal-Kummissjoni, xorta waħda baqgħu mingħajr rimedju kif rakkomandat mill-Kummissjoni.

Ta' min igħid li, fil-każ ta' dawk l-individwi li, aktar riċentement, irrikorrew quddiem it-Tribunal għall-Investigazzjoni ta' Inġustizzji, dawn jistgħu jingħataw jew rimedju jew, meta dan ma jkunx possibbli, it-Tribunal jista' jirrakkomanda li jsir ħlas ta' kumpens li f'ebda każ m'għandu jeċċedi l-ammont ta' ħamest elef lira Maltin.

Għaldaqstant, wara bosta talbiet li sarulu, il-Gvern approva li, abbażi tal-kumpens li qed jagħti t-Tribunal, huwa għandu jagħti kumpens ex gratia simili lil dawk il-persuni li kienu ressqu lment quddiem il-Kummissjoni għall-Investigazzjoni ta' Inġustizzji, fejn il-Kummissjoni ddeċidiet li l-ilment hu ġustifikat u għamlet rakkomandazzjoni pożittiva, il-Prim Ministru kien aċċetta d-deċiżjoni tal-Kummissjoni iżda li, minħabba diffikultajiet amministrattivi, ir-rakkomandazzjoni tal-Kummissjoni ma setgħetx tiġi mplimentata u dawn in-nies baqgħu mingħajr rimedju sa llum.

Bħala riżultat ta' dan, qed isiru l-aħħar arranġamenti biex 108 (mija u tmien) persuni li kienu sofrew xi inġustizzja u li ma ħadux ir-rimedju li kien approvat jirċievu minflok kumpens finanzjarju taħt dan l-arranġament li qed japprova l-Gvern. Dan il-kumpens ilaħħaq l-ammont globali ta' Lm367,916.

Commission for the Investigation of Injustices

C I I Act XV of 1987 came into force on 01.10.87.

T I I Act VIII of 1997 came into effect on 02.06.97