IL-MINISTRU TAL-ĠUSTIZZJA U GVERN LOKALI JATTENDI GĦAL KONFERENZA INTERNAZZJONALI FIT-TURKIJA

IL-MINISTRU TAL-ĠUSTIZZJA U GVERN LOKALI JATTENDI G'�AL KONFERENZA INTERNAZZJONALI FIT-TURKIJA

Il-Ministru għall-Ġustizzja u Gvern Lokali Dr Austin Gatt, dal-għodu ħalla Malta fi triqtu lejn Istanbul fit-Turkija, fejn se jattendi għal Konferenza tal-Ministri Ewropej responsabbli mill-Gvern Lokali, organizzata mill-Kunsill ta' l-Ewropa.

Din il-Konferenza se titratta żew' temi, li huma "Ir-Rwol ta' l-Awtoritajiet Lokali fil-Qasam tas-Servizzi Soċjali fuq bażi lokali" u "Il-Kapitlu dwar id-Demokrazija fuq Bażi Lokali fil-Patt ta' Stabbilit'� għan-Nofsinhar u l-Lvant ta' l-Ewropa".

Il-Ministru Gatt mistenni jindirizza din il-Konferenza għada, il-'�amis, 6 ta' April 2000, meta t-tema tkun dik dwar l-aspett soċjali fil-ħidma tal-Gvern Lokali.

Dr. Gatt qed ikun akkumpanjat mill-Assistant Personali tiegħu, is-Sur Tony Mifsud Bonnici u mill-Policy Coordinator fil-Ministeru tiegħu, is-Sur Claudio Grech. Id-delegazzjoni mistennija lura Malta s-Sibt fil-għodu.