Is-Segretarju Parlamentari fil-Ministeru tas-Servizzi Ekonomici Edwin Vassallo dwar il-htiega ta' konsumatur li kapaci jghin in-negozjant ikun ahjar

F'laqgha li kellu s-Segretarju Parlamentari Edwin Vassallo mal-Moviment Nisa tal-Partit Nazzjonalista, is-Segretarju Parlamentari sahaq fuq il-htiega li fil-pajjiz ikollna konsumatur ghaqli li kapaci jghin lin-negozjant ikun ahjar.

Is-Sur Vassallo wera x-xewqa tieghu li jitqanqal dibattitu fil-pajjiz rigward x'jistenna l-konsumatur mis-servizz tan-negozju. Dan ghandu jghin biex jittiehdu decizjonijiet li jwasslu ghal tibdil fil-legislazzjonijiet li qeghdin jigu emendati bil-hsieb li jkollna negozju li kapaci jilhaq is-sodisfazzjon tal-konsumatur.

Huwa importanti li l-konsumatur jaghraf ir-rwol importanti tieghu bhala regulatur fis-suq billi jkun kapaci jaghmel ghazliet bil-ghaqal u jixtri minn ghand min kapaci jaqdih l-ahjar.

Is-Segretarju Parlamentari qal li m'ghadux iz-zmien li l-ispetturi tad-dipartimenti governattivi jsusu wara n-negozjant, izda hu l-konsumatur li jrid jimbotta lin-negozjant ikun ahjar u kapaci jirrispondi ghall-htigijiet ta' l-istess konsumatur bid-decizjonijiet tieghu. Il-Gvern u n-negozjant m'ghandhomx izjed jiddeterminaw huma biss x'jehtieg fis-suq, izda ghandu jkun il-konsumatur li bil-ghaqal tieghu jirregola s-suq billi jfittex min itih l-aktar valur ghal flusu.

Dolores Cristina, Membru Parlamenti ghall-Moviment Nisa tal-Partit Nazzjonalista qalet li n-negozjant irid jaghraf is-sinjali tal-konsumatur. Il-konsumatur huwa d-difensur tieghu stess billi jfittex kwalit'? u servizz relattiv ghall-prezz li ser jhallas. Hija kompliet qalet li dan huwa l-empowerment li ghandu l-konsumatur u s-sistema ta' spetturi pubblici hija sistema skaduta.

Tkellmet ukoll s-Sinjura Delicata li qalet li kull negzoju ghandu jkollu Customer Care li verament ihares il-htigijiet tal-konsumatur.

Is-Segretarju Parlamentari Edwin Vassallo temm il-laqgha billi sahaq fuq il-htiega li jkun hemm komunikazzjoni bejn il-konsumatur, li hu r-regolatur u n-negozjant li jaghmel parti mis-suq. Huwa tenna li ghalkemm qed isir hafna xoghol favur il-konsumatur hija l-mentalit'? tal-konsumatur li trid tinbidel u bil-ghaqal theggeg lin-negozjant jadatta b'efficjenza aktar ghall-htigijiet tal-konsumatur.

Is-Segretarju Parlamentari Edwin Vassallo temm jghid li lest li jiltaqa' ma' dawk kollha li huma interessati biex jiddiskutu l-izvilupp li n-negzoju taghna jehtieg li jghaddi minnu biex jaqdi ahjar lill-konsumatur u ghaldaqstant ikun negozju tajjeb.