Soluzzjoni ghat-tkomplija tat-Triq tal-Kosta tal-Qawra

Wara xhur shah li fihom ix-xoghol fuq it-triq quddiem il-boat houses fil-Qawra kien wieqaf, issa ntlahaq ftehim biex ix-xoghol ikun jista' jitkompla.

Dan ix-xoghol kien wieqaf, ghaliex kien hemm nuqqas ta' qbil ma l-awtorita' ta' l-Ippjanar dwar kif ghandha titfassal din it-triq.

Wara laqgha li saret fuq il-post, fejn kienu prezenti l-Ministru Censu Galea, is-Segretarju Parlamentari George Pullicino, is-Sindku ta' San Pawl il-Bahar Paul Bugeja, u ufficjali ta' l-Awtorita' ta' l-Ippjanar, gie deciz li x-xoghol li kien hemm mibdi jibqa' fil-post u fl-istess hin isir xoghol biex ikun hemm spazju quddiem il-boat houses.

B'dan il-mod intlahaq qbil biex din il-parti tal-Qawra tkun tista' titlesta qabel l-istagun tas-Sajf.