Il-Ministeru ghall-Agrikoltura u Sajd igiddeb rapport fil-gurnal l-Orizzont

F'rapport ippublikat fil-harga tal-gurnal "L-Orizzont" ta' nhar is-Sibt, 13 ta' Frar 1999, intitolat "Joghla l-permess ghad-dhul fil-Pitkalija" kien hemm mistqarr li din is-sena il-permess ghad-dhul fil-Pitkalija ghola minn Lm1.50 ghal Lm3.00 fis-sena.

Dan ir-rapport huwa bbazat fuq fatti li m'humiex minnhom, izda huma semplicement invenzjonijiet li jistghu joholqu allarm u dizgwid fost in-nies li jaghmlu uzu mill-Pitkalija. Dan ghaliex il-prezz ta' dan il-permess ghola ghal Lm3.00 sena ilu, jigifieri fi zmien amministrazzjoni Laburista, ezattament b'Cirkulari tal-21 ta' Jannar 1998.

L-artiklu kien fih inezattezza ohra, ghaliex fil-fatt il-permess qatt ma kien Lm1.50, izda kien Lm1.25. Jigifieri sena ilu, dan il-permess ghola minn Lm1.25 ghal Lm3.00, qabza ta' 140%. Il-Ministeru tal-Biedja u Sajd qed jippublika dawn il-fatti sabiex iserrah ras kulhadd li ma kien hemm l-ebda zjieda fil-permess tal-Pitkalija din is-sena. Qed jippublika ukoll kopji tac-Cirkularijiet ta' tlett snin infila, 1997, 1998 u 1999, sabiex jitnehha kull dubju li setgha nholoq bl-artiklu msemmi.