Stqarrija mill-Ministeru tas-Sahha: It-taxxa li hallsu 32,000 pazjent biex hadu l-Medicini marru ghal Festa Sahha

Stqarrija mill-Ministeru tas-Sahha: It-taxxa li hallsu 32,000 pazjent biex hadu l-Medicini marru ghal Festa Sahha

Meta kien qed jitkellem fuq stazzjon tar-radju privat, il-Ministru tas-Sahha Louis Deguara qal li sal-lum il-Ministeru tas-Sahha ghadu qed jircievi kontijiet biex jithallsu spejjez li saru matul il-‘Festa Sahha’ li kienet organizzata fin-Naxxar lejliet l-Elezzjoni Generali.

Louis Deguara qal li fl-ahhar jumejn il-Ministeru rcieva zewg kontijiet ohra li jammontaw ghal aktar minn Lm1,200, li issa tellghu l-ispiza fuq din l-attivita` ghal aktar minn Lm16,000. Il-Ministru Deguara fakkar li skond il-pjan originali din l-attivita` kellha tkun organizzata b’mod li l-Gvern ma jkollux ghalfejn johrog flus, izda issa rrizulta li l-Gvern qed ikollu johrog minn gewwa aktar minn sittax-il elf lira.

Il-Ministru tas-Sahha qal li din il-‘Festa’ kienet organizzata fi zmien meta l-poplu kien qed ikun mitlub ihallas it-taxxa anti-socjali ta’ 50c fuq kull ricetta tal-medicini li huwa intitolat jircievi b’xejn. Dan ifisser, tenna Louis Deguara li din il-‘Festa’ giet tiswa daqs kemm 32 elf pazjent hallsu biex setghu jircievu l-medicini.

Il-Ministru Deguara tkellem ukoll dwar investigazzjoni ohra li qed issir fi hdan id-Dipartiment tas-Sahha. Hu zvela li kien hemm impjegati tas-Segretarjat tal-Ministeru li kienu qed jiehdu hlas ta’ xoghol li kienu qed jaghmlu f’kumitat li fih kienu nominati. Louis Deguara qal li dan kien qed isir minkejja li fit-3 ta’ Novembru 1997 kienet harget ordni mill-Ufficcju tal-Prim Ministru biex dawn it-tip ta’ hlasijiet ma jsirux. Dawn iz-zewg impjegati kienu qed jiehdu onorarja ta’ Lm1,000 kull wiehed. Louis Deguara qal li wiehed minn dawn il-membri kien jahdem fis-Segretarjat ta’ l-ex Ministru Michael Farrugia u l-impjegata l-ohra kienet tahdem fis-Segretarjat ta’ l-ex Segretarju Parlamentari Louis Buhagiar.

Louis Deguara tkellem ukoll dwar l-iskandlu tal-Paramedic Aides, u n-nefqa esagerata mill-vot ta’ l-ospitalita` tal-Ministeru tas-Sahha, fejn mill-kontijiet prezentati s’issa jirrizulta li kien hemm nefqa ta’ aktar mid-doppju milli kienu vvutati. Hu temm jghid li madankollu hu mistenni li jaslu aktar kontijiet li jlahhqu ghal aktar minn elfejn lira ohra.