IL-PRIM MINISTRU HABBAR LI T-THEJJIJIET GHALL-PRIVATIZZAZJONI TA’ 40% TAL-MIA HUMA AVVANZATI SEW

Jekk Malta tkun membru shih fl-Unjoni Ewropea, il-Malta International Airport ma jkunx jista’ jopera d-Duty Free mis-sistemi tieghu.

Dan habbru l-Prim Ministru Dr. Alfred Sant waqt zjara li ghamel dalghodu fl-Ajruport Internazzjonali ta’ Malta. Matul iz-zjara, Dr Sant kien akkumpanjat mill-Ministru ghat-Trasport  u Portijiet Joe Debono Grech.

Il-Prim Ministru qal li bhalissa t-turizmu jinsab fil-peak season tieghu u dawk kollha li kienu tkellmu mieghu tul iz-zjara li saret fid-duty free area ilkoll  ikkonfermaw kemm qed ikollhom stagun mill-ahjar.  Kollox jindika li l-performance  kummercjali u finanzjarja tal-MIA din is-sena ser tkompli tizdied. Dan jikkonferma l-politika li miexi biha l-Gvern li jinkuragixxi aktar is-settur tat-turizmu.

Dr. Sant qal li l-lat kompettitiv tal-MIA ser jkompli jirranka fix-xhur li gejjin wara li, mis-sena d-diehla,  l-ajruporti ta’ pajjizi membri fl-Unjoni Ewropea, ser jaddottaw politika mahruga mill-istess Unjoni, li biha jispiccaw id-duty free shops kollha ta’ l-Unjoni Ewropea.

Bhala pajjiz li mhux membru shih ta’ l-Unjoni Ewropea ser jkollna vantagg fuq pajjizi membri u minn dan l-aktar li se jgawdi huwa l-MIA. Kieku Malta kellha issir membru shih ta’ l-Unjoni Ewropea, il-business  base tal-Malta International Airport jispicca, ghax ma tkunx tista’ topera d-duty free mis-sistemi taghha. Dan iwassal ukoll biex dawk il-hwienet li llum joperaw mill-post ma jkunux jistghu jsostnu l-impiegi li bhalissa jiggarantixxu. Ghall- kuntrarju, dan ma jigrix jekk Malta jkollha Zona ta’ Kummerc Industrijali Hieles ma’ l-Unjoni Ewropea.

Dr. Sant habbar li t-thejjijiet ghall-privatizzazjoni ta’ 40 % tal-MIA huma avvanzati sew. Semma li hemm interess minn ajruporti barranin li jridu li jkollhom sehem fl-MIA. Minbarra dan kollox juri li hemm stennija kbira ghaz-zmien meta l-MIA tohrog ghall-bejgh l-ishma taghha. L-indikazzjonijiet huma li t-target date ta’ Ottubru ser tintlahaq f’dak li hu bejgh ta’ ishma.

Min-naha tieghu, ic-Chairman tal-MIA, is-sur Eric Fenech Pace habbar li mill-indikazzjonijiet li ghandha l-kumpannija fuq l-andament taghha ghal din is-sena, l-MIA plc,  ghat-tieni sena konsekuttiva, ser tirregistra qliegh rekord. Din il-performance pozittiv tal-kumpannija f’dawn l-ahhar sentejn  ser tkompli tkabbar l-immagini tal-MIA, li hi krucjali fid-dawl tad-decizjoni li ha l-Gvern biex jipprivatizza 40 % tal-kumpannija.