Jirbah Lm50,000 bil-Lotterija ta' l-Ircevuta Fiskali

Dalghodu, f'cerimonja qasira li saret fid-Dipartiment tas-CET f'Birkirkara, is-Sur Joseph V Borg gie pprezentat premju ta' Lm50,000 mis-Sur Joseph Portelli, Direttur Generali tas-CET.

Is-Sur Borg, li huwa minn San Pawl il-Bahar, rebah din is-somma bl-ircevuta li kellha numru ta' registrazzjoni 12190432, li telghet fis-16 ta' April. L-ircevuta kienet ghal xirja li s-Sur Borg ghamel nhar it-2 ta' April 1998, minghand bejjiegh tal-haxix li jarma bil-vann f'San Pawl il-Bahar u Bugibba.

Biex ircevuta tkun wahda rebbieha din trid turi kumbinazzjoni tajba tan-numru tar-registrazzjoni tal-bejjiegh jew stabbiliment, il-gurnata tax-xahar, u ammont ta' centezmi li jkun jaqbel ma' wiehed mill-ghaxar ammonti ta' centezmi estratti mis-sistema kompjuterizzata. Il-lotterija titla' darbtejn fix-xahar.

Din ta' llum kienet ir-raba' darba li ntrebhet din il-lotterija. B'kollox s'issa tqassmu Lm200,000 fi premjijiet.

F'diskors qasir ta' l-okkazjoni, is-Sur Joseph Portelli ferah lis-Sur Borg, filwaqt li heggeg lill-konsumaturi biex jezercitaw id-dritt taghhom li jinghataw ircevuta fiskali. B'hekk, mhux biss ikunu qed ighinu biex tonqos l-evazjoni, izda jkollhom ic-cans jippartecipaw u jirbhu f'din il-lotterija.

L-ewwel lotterija li ntrebhet kienet dik tas-16 ta' Ottubru 1997 meta Lm80,000 inqasmu bejn 23 rebbieh. Fit-3 ta' Novembru, imbaghad, disa' rebbieha qasmu bejniethom Lm10,000. Fl-4 ta' Frar ta' din is-sena, l-ammont rebbieh tela' ghal Lm60,000. Dakinhar, ir-rebbieha kienu erbgha. B'hekk sal-lum kull premju kellu jinqasam bejn ghadd ta' rebbieha. Il-lotterija tal-lum kienet l-ewwel wahda fejn rebbieh wiehed ha l-premju kollu ghalih.

Barra din il-lotterija konnessa mal-ircevuti fiskali tal-cash register, id-Dipartiment jiehu hsieb jorganizza wkoll lotterija ohra konnessa ma' l-ircevuti fiskali mahruga bl-idejn. Din il-lotterija ghandha premju fiss ta' Lm5,000 u titla' darba fix-xahar. S'issa diga` rebhuha sebgha min-nies biex bejniethom rebhu s-somma ta' Lm35,000.

Id-Dipartiment ifakkar li kull min ikollu bzonn taghrif dwar il-lotterija jista' jcempel fuq telefon 499330-4, jew freephone 160, waqt il-hinijiet ta' l-ufficcju.