Konsultazzjoni mill-Gvern ma' residenti dwar is-sulari addizzjonali

Fuq inizjattiva tal-Ministru ghad-Djar u Kunsilli Lokali, s-Sur Alfred Portelli, bhalissa qeghdin isiru sensiela ta' laqghat ta' konsultazzjoni ma' residenti li jghixu f'appartamenti tal-Gvern fi blokki fejn l-Awtorita' tad-Djar mistennija tibni sulari addizzjonali. L-ewwel laqgha saret nhar it-Tnejn ma' residenti miz-Zurrieq li jghixu fil-Qasam tad-Djar tan-Nigret.

Ufficjali mid-Dipartiment tal-Bini u Tiswija ta' Djar, minn dak ghall-Akkomodazzjoni Socjali, l-Awtorita' tad-Djar u mill-Ministeru fissru d-dettalji tal-progett partikulari u anke wiegbu mistoqsijiet li sarulhom mir-residenti. F'din il-laqgha li saret f'atmosfera kordjali ttiehdet nota tal-ilmenti u anke proposti li saru mir-residenti. L-ufficjali tal-Housing qalu lir-residenti li l-Gvern se jaghmel hiltu kollha biex l-inkonvenjenza ghar-residenti tkun mill-inqas.

Laqgha ohra bhal din saret illum ghar-residenti ta' Oqsma tad-Djar f'H'Attard u l-Gudja. Hemm ippjanat ukoll laqghat simili ghal residenti mill-Oqsma tad-Djar fiz-Zejtun u Hal Qormi. Ghal dawn il-laqghat gew mistiedna biex jattendu mal-120 familja.

Dawn ir-residenti jirrapprezentaw l-ewwel fazi tal-progett kollha li jahseb ghall-bini ta' bini ta' sulari addizzjonali fuq blokki tal-Gvern. F'din l-ewwel fazi se jinbnew 76 unit gdid u x-xoghol fuqhom mistenni jibda matul is-sajf li gej. Dan il-progett gie mahsub apposta biex tigi salvata art fabbrikabbli li f'Malta barra li hi skarsa hafna hija mehtiega biex thalli dak il-berah tant mehtieg.