Servizzi Professjonali fil-qasam turistiku f'Ghawdex

Is-Segretarju Parlamentari ghal Ghawdex Dr Anton Refalo qal li l-impenn ta' l-awtoritajiet centrali favur turizmu ta' kwalita' f'Ghawdex irid ikun kumplimentat minn servizzi professjonali li jinghataw fil-qasam turistiku. Dr Refalo qal li t-turist li jhallas ghal vaganza f'Ghawdex irid ikun garantit l-ahjar servizz ghaliex f'kaz kuntrarju dan ikun ifisser reklam hazin ghal Ghawdex.

Dr Refalo kien qed ikellem grupp ta' studenti li temmew b'success korsijiet fil-fergha ta' Ghawdex ta' l-Istitut ghal Studji fit-Turizmu (ITS). Din is-sena l-Istitut kompla bil-korsijiet full time u part time f'suggetti relatati ma' servizzi turistici.

Is-Segretarju Parlamentari ghal Ghawdex qal li hija l-politika tal-Gvern prezenti li Ghawdex jibda jigbed lejh turisti ta' kwalita' li ma jzurux Ghawdex ghal gurnata wahda biss imma jibqghu fil-gzira ghal mill-inqas ftit jiem. Biex jintlahaq dan il-ghan is-Segretarjat Parlamentari ghal Ghawdex beda sensiela ta' kuntatti diretti ma' pajjizi barranin, fosthom l-Italja u l-Germanja, biex Ghawdex jigi reklamat b'mod iktar effettiv milli kien s'issa f'fieri internazzjonali.

Dr Refalo fakkar lill-istudenti ta' l-ITS fil-kontribut importanti li ghandhom fil-postijiet tax-xoghol taghhom biex it-turist ikun soddisfatt bis-servizz li jinghata.