Il-Ministru Alfred Portelli jiftah wirja ta' pittura

Il-Ministru ghad-Djar u Kunsilli Lokali, is-Sur Alfred Portelli, nhar is-Sibt fetah ufficjalment wirja ta' pittura mill-artist Malti Arthur Dutton, fil-Muzew Nazzjonali ta' l-Arti, il-Belt.

F'diskors li ghamel il-Ministru qal li l-Gvern prezenti huwa impenjat li jgib 'l quddiem l-arti bil-ghan li joktru l-artisti u jkabbar fost il-poplu l-apprezzament tal-arti.

F'din il-wirja, li se tibqa' miftuha sal-15 ta' Marzu 1998, hemm esibiti l-ahhar xoghlijiet ta' dan l-artist li jispecjalizza f'pittura semi-astratta. It-tema hija l-kreazzjoni tal-univers u hija intitolata "The Great Play". Il-medium li uza l-artist fix-xoghlijiet esibiti huwa l-water colour u l-coloured pencils.

Din kienet it-tielet wirja ta' Dutton. L-ewwel wahda kienet saret fl-1989 u t-tieni wahda ttellghet fl-1993.