Tizdied il-fiducja f'Malta minn operaturi u Investituri Francizi

Il-Ministru ghall-Affarijiet Ekonomici u Industrija, Dr. J. Attard Montalto zar il-kumpanija Lowa Punkt, fil-Marsa, illum il-Gimgha 13 ta' Marzu.

Is-Sur Lawrence Debono, Direttur Manigerjali, qal li l-kumpanija bdiet topera f'Malta fis-sena 1978 taht l-isem ta' Kapunkt. Fl-1982 hu xtara l-ishma biex il-kumpanija saret interament Maltija.

Fil-process il-kumpanija introduciet linji ta' prodotti godda u gew penetrati niche markets ohrajn fi Franza, ir-Renju Unit, l-Isvizzera u l-pajjizi Skandinavi. B'dan il-mod Lowa Punkt irnexxielha ssahhah il-bazi kummercjali taghha billi ma' l-esportazzjoni ta' spectacle cases lejn il-Germanija zdiedet ukoll dik tal-basktijiet ghall-iskola u nstabu swieq godda ghall-produzzjoni ta' jewel boxes. Fil-prezent Lowa Punkt tissupplixxi mal-5,500 optician fil-Germanja bi spectacle cases taghha. Lowa Punkt tipproduci mat-3,000 schoolbag u bejn 70 - 100,000 spectacle cases fil-gimgha rispettivament. F'Mejju ta' din is-sena l-kumpanija se tibda tispeccjalizza wkoll fil-linja ta' hard casesbil-produzzjoni ta' spectacle cases maghmula mill-aluminju. Dan il-progett jirrikjedi investiment gdid u tahrig.

Il-Ministru Attard Montalto sahaq fuq il-htiega li f'pajjizna jissahhu u jizviluppaw inizzjattivi ta' interlinkage support services. Hu spjega li wahda mill-konsiderazzjonijiet ewlenin li jghinu l-attrazzjoni ta' investiment barrani hi li l-investituri jsibu facilitajiet tajba ta' subcontracting u support services industrijali.

Il-Ministru Attard Montalto ghamel riferenza ghan-niche markets li Lowa Punkt irnexxielha tinfed fi Franza, l-Isvizzera u l-Iskandinavia. Semma li ghalkemm fl-1997 il-pajjiz esporta lejn l-Isvizzera u l-Iskandinavja total ta' Lm 5.3 miljun, hu jemmen li Malta tista' tkabbar il-potenzjal taghha lejn dawn is-swieq. Fir-rigward ta' Franza, fl-1997 Malta esportat total ta' Lm 117 miljun. Dan ifisser li f'sena wahda biss Malta rnexxielha zzid l-esportazzjoni taghha lejn dan il-pajjiz b'25 fil-mija.

"Illum il-gurnata mal- 34 fil-mija tal-esportazzjoni taghna lejn l-Unjoni Ewropea tmur lejn Franza. F'oqsma ohra rajna li l-investiment Franciz f'Malta zdid -- l-investiment ta' Accor fil-lukanda Maritimu inizzjattivi ohra, il-ftehim tal-Freeport mal-kumpanija Franciza CMA biex din ta' l-ahhar tuza l-Port Hieles ta' Malta bhala l-hub port Mediterranju taghha u x-xiri ta' 21.33 fil-mija ta' l-ishma fil-Lombard Bank minn Credit Commercial de France. Dawn il-fatti juru fiducja qawwija f'Malta minn operaturi u investituri Francizi" temm jghid il-Ministru.

Id-diskors tal-Ministru f'din l-okkazjoni:

Introduzzjoni

Lowa Punkt Ltd bdiet topera f'Malta fl-1978 taht l-isem Kapunkt Ltd., kumpanija Germaniza li kienet tipproduci cases ghan-nuccalijiet. Fl-1982 il-kumpanija nxtrat minn sid Malti u bidlet isimha ghal Lowa Punkt Ltd. Dan it-tibdil gab mieghu rijorganizzazzjoni mportanti kemm f'dik li hi diversifikazzjoni fil-linja tal-produzzjoni kif ukoll f'dik li hi strategija kummercjali.

Diversifikazzjoni

Bil-hidma tas-sur Lawrence Debono, Managing Director, giet imwessa r-range ta' prodotti billi apparti spectacle cases il-kumpanija bdiet tipproduci basktijiet ghall-iskola, jewel boxes u souvenir leather goods. Gew penetrati niche markets godda fi Franza, r-Renju Unit, Svizzera u l-pajjizi Skandinavi. B'hekk Lowa Punkt irnexxielha ssahhah il-marketing base taghha flimkien mas-suq Germaniz, suq 'l fejn mal-esportazzjoni ta' spectacle cases zdiedet ukoll dik tal-basktijiet ghall-iskola. Illum il-gurnata Lowa Punkt Ltd. tipproduci mat-3,000 schoolbag u bejn 70,000 - 100,000 spectacle cases fil-gimgha rispettivament. Lowa Punkt tissupplixxi mal 5,500 optician fil-Germanja bi spectacle cases ta' produzzjoni taghha. 80 fil-mija tal-produzzjoni tmur ghall-esportazzjoni.

Investiment u Tahrig

Lowa Punkt qed tippjana li ghal bidu ta' Mejju ta' din is-sena tigi varata l-produzzjoni ta' spectacle cases maghmula mill-aluminju. Dan se jkun zvilupp iehor fl-espansjoni ta' prodotti godda minhabba li issa din l-azjenda se tibda tispecjalizza wkoll fil-linja ta' hard cases. Dan il-progett jirrikjedi nvestimenti f'makkinarju gdid u tahrig ta' personnel. Matul dawn l-ahhar snin gew imwettqa nvestimenti mportanti. Dawn kienu fattur ewlieni sabiex tigi sostnuta l-kompetittivita' fi swieq ta' kwalita' u jikber il-valur mizjud (value added), li prezentement hu ta' 40 fil-mija. Lowa Punkt ghandha facilita' ta' printing li taghti l-opportunita' lill-klijenti tal-kumpanija li jistampaw il-logo taghhom fuq il-prodotti.

Il-process jibda bil-qtugh ta' patterns skond il-mudelli mitluba.

Imbaghad isir il-printing tal-logo fuq artwork, provdut mill-klijent stess, li jigi zviluppat bi scanners apposta. Minn hemm ix-xoghol jintbaghat biex jigi maqghud bil-hjata.

It-tahrig hu element importanti ghaliex il-kumpanija topera fuq sistema ta' produzzjoni flessibbli.

Interlinkage Support Services

Minbarra li timpjega 60 haddiem, Lowa Punkt thaddem 8 outworkers ohra. Ix-xoghol ta' injection moulding jinghata fuq bazi ta' subcontracting. Din it-tijp ta' kollaborazzjoni temfasizza l-htiega li f'pajjizna jkomplu jissahhu u jizviluppaw inizzjattivi ta' interlinkage support services. Minn survey li kien sar fl-1993 mir-rivista nfluwenti Corporate Location instab li wahda mill-konsiderazzjonijiet ewlenin tal-investitur barrani - meta jigi biex jinvesti barra minn pajjizu - hi li jsib facilitajiet tajba ta' subcontracting u support services.

Esportazzjoni u nvestiment

Semmejt aktar qabel in-niche markets ta' Lowa Punkt fl-Iskandinavja, l-Isvizzera u Franza. Is-sena l-ohra Malta esportat total ta' Lm 5.3 miljun lejn l-Isvizzera il-pajjizi Skandinavi. Nemmen li nistghu nkabbru l-potenzjal taghna lejn dawn is-swieq. Fir-rigward ta' Franza ma nistax ma nsemmiex li fl-1997 esportajna total record ta' Lm 117 miljun. B'hekk f'sena wahda biss Malta rnexxielha zzid l-esportazzjoni taghha lejn dan il-pajjiz b'25 fil-mija. Illum il-gurnata mal- 34 fil-mija ta' l-esportazzjoni taghna lejn l-Unjoni Ewropeja tmur lejn Franza. F'oqsma ohra rajna li l-investiment Franciz f'Malta zdid - l-investiment ta' Accor fil-lukanda Maritim u inizzjattivi ohra; il-ftehim tal-Freeport mal-kumpanija Franciza CMA biex din ta' l-ahhar tuza l-Port Hieles ta' Malta bhala l-hub port Mediterranju taghha; u x-xiri ta' 21.33 fil-mija tal-ishma fil-Lombard Bank minn Credit Commercial de France. Dawn il-fatti juru fiducja qawwija f'Malta minn operaturi u nvestituri Francizi.