Il-Gvern jipprezenta l-proposti dwar Ristutturazzjoni ta' l-Industrija Maltija

Fl-Ufficcju tal-Prim Ministru fil-Parlament illum saret laqgha bejn rapprezentanti gholja tal-Kamra tal-Kummerc, tal-Federazzjoni ta' l-Industriji u tal-GRTU ma' delegazzjoni tal-Gvern immexxija mill-Prim Ministru Dr. Alfred Sant, li kienet tinkludi wkoll lill-Ministru tal-Finanzi u Kummerc is-Sur Leo Brincat u l-Ministru ta' l-Industrija u Affarijiet Ekonomici l-Avukat John Attard Montalto.

Matul din il-laqgha il-Gvern ipprezenta l-proposti tieghu ghar-ristrutturazzjoni ta' l-industrija Maltija skond ir-rakkomandazzjonijiet tar-Rapport Ramboll fil-kuntest tat-twaqqif ta' zona ta' kummerc industrijali hielsa bejn Malta u l-Unjoni Ewropea.

Il-Gvern issa ser ikun qieghed jistenna r-reazzjonijiet tal-korpi kostitwiti dwar programm ta' hidma fix-xhur li gejjin waqt li l-Gvern qieghed jinnegozja mal-Kummissjoni ta' l-Unjoni Ewropea.