Il-Progett ta' Housing fil-Wied ta' l-Imsida: It-tieni fazi tibda dalwaqt

Filwaqt li x-xoghol fuq il-bini ta' 12-il appartament fejn l-Ghajn tal-Hasselin, fl-Imsida, mistenni jibda fil-jiem li gejjin, id-Dipartiment tal-Bini u Tiswija ta' Djar fi hdan il-Ministeru ghad-Djar, dalwaqt se jibda jwaqqa' bini substandard fl-istess inhawi, biex b'hekk jinghata bidu ghat-tieni fazi tal-progett ta' l-Imsida. Minnflok dan il-bini d-Dipartiment qieghed jippjana li jibni 28 appartament.

Xi jiem ilu ufficjali mid-Dipartiment iddiskutew din it-tieni fazi mal-Kummissjoni tal-Kontroll ta' l-Izvilupp ta' l-Awtorita' ta' l-Ippjanar u issa kollox jindika li l-permessi ghal din it-tieni fazi se johorgu fil-gejjieni qrib.

Ghalhekk, bi thejjija ghax-xoghol ta' twaqqiegh, id-Dipartiment ghall-Akkomodazzjoni Socjali beda l-process biex jipprovdi akkomodazzjoni alternattiva lir-residenti milquta minn din it-tieni fazi tal-progett.

Bhalissa wkoll id-Dipartiment qieghed ihejji xi bidliet fil-pjanti tal-bini propost fit-tielet fazi tal-progett ta' l-Imsida, kif mitlub mill-Awtorita' ta' l-Ippjanar. F'din it-tielet fazi mistennija jinbnew 40 unit iehor.