Laqghat ta' Informazzjoni dwar is-Sistema Gdida ta' Tassazzjoni

Nhar il-Hadd filghodu se tkompli s-sensiela ta' laqghat ghan-negozjanti. F'dawn il-laqghat, Ufficjali mid-Dipartiment tat-Taxxa, tad-Dwana u Sisa jzuru bliet u rhula Maltin u Ghawdxin biex jispjegaw is-Sistema Gdida ta' Tassazzjoni li hadet post it-taxxa tal-VAT mill-1 ta' Lulju li ghadda.

Il-Hadd li gej, bejn id-9.00 a.m. u nofsinhar, dawn l-ufficjali se jkunu

• fl-iskola Sekondarja tal-Bniet, Birkirkara (Triq Paris); u
• fl-iskola Primarja 'B', Zabbar (Triq Dingli).

Il-laqgha ta' Birkirkara hi mahsuba primarjament ghan-negozjanti z-zghar ta' Birkirkara, Santa Venera u Balzan, waqt li dik ta' Zabbar hija mahsuba ghal dawk ta' Zabbar u Marsascala.

Dawn il-laqghat jikkoncentraw fuq l-aspetti teknici u legali tas-Sistema Gdida ta' Tassazzjoni u jinkludu taghrif fuq ir-registrazzjoni taht il-Ligi, il-mili tad-Denunzja (Return), il-hlas tat-taxxa dovuta, x'kotba u records ghandhom jinzammu skond il-Ligi, u x'refunds huma ntitolati ghalihom certi operaturi tan-negozju.