Laqghat mas-Self-Employed dwar is-Sistema Gdida ta' Tassazzjoni li se tidhol fis-sehh fl-1 ta' Lulju, 1997

Il-laqgha li jmiss fis-sensiela ta' laqghat ta' informazzjoni dwar is-Sistema Gdida ta' Tassazzjoni ghas-Self-Employed u n-negozjanti se tkun ghada, is-Sibt, 14 ta' Gunju 1997, fin-National Pavilion, ir-Rabat, Ghawdex.

Dawn il-laqghat ikunu mmexxija mill-Prim Ministru Dr Alfred Sant, mis-Sur Leo Brincat, Ministru tal-Finanzi u Kummerc, u mis-Segretarju Parlamentari ghas-Self-Employed Dr Gavin Gulia, flimkien ma' ufficjali mill-Ministeru tal-Finanzi.

Il-laqgha tiftah b'intervent qasir mill-Prim Ministru li, wara, jistieden lil dawk prezenti fis-sala biex jaghmlu l-mistoqsijiet taghhom.

Dawn il-laqghat ghandhom ikunu ta' ghajnuna biex is-Sistema Gdida ta' Tassazzjoni tibda tithaddem b'efficjenza.

Il-laqgha tibda fis-7.30 p.m.