Stqarrija mill-Korporazzjoni Enemalta

B'referenza ghall-kummenti dwar hrug jew leakages ta' gass idrogenu fil-Power Station tal-Marsa, li saru waqt intervent fuq stazzjon tar-radju lokali, illum il-Gimgha, 28 ta' Frar wara nofsinhar, il-Korporazzjoni Enemalta tixtieq ticcara dan li gej:

Il-gass idrogenu jintuza biex ikessah il-generaturi fil-Power Station tal-Marsa.

Kull meta jkun hemm indikazzjoni ta' konsum akbar mis-soltu ta' idrogenu, jigi ttestjat l-ambjent ta' madwar l-impjant sabiex jigi zgurat li m'hemmx hrug ta' gass mis-sistema.

Minn testijiet li saru ghal dan il-ghan, ma jirrizultax li jezisti xi periklu ghall-haddiema ta' dan l-impjant.