Mhux korretta allegazzjoni ta' Radio 101 dwar irtirat ta' ezenzjoni mill-Levy

B'referenza ghal ahbar imxandra fuq Radio 101 illum fejn gie allegat li noodles Cinizi gholew b'mod sostanzjali minhabba li dawn in-noodles issa m'ghadhomx jigu ezentati mill-levy, il-Ministeru ta' l-Industrija jixtieq jiccara dan li gej:

Filwaqt li ghagin importat huwa soggett ghall-hlas tal-levy sa mill-1989, f'Novembru ta' l-1990 bdiet tinghata ezenzjoni mill-levy fuq egg noodles. Fl-1995 giet ippubblikata definizzjoni ta' x'inhuma noodles u ghalhekk kienu biss dawk il-prodotti li jikkonformaw mad-definizzjoni li komplew jinghataw ezenzjoni.

Ghaldaqstant jidher li Radio 101 ghandu impressjoni zbaljata ghaliex il-pozizzjoni baqghet l-istess tul dawn l-ahhar sentejn.