Problemi kbar fl-Isptarijiet ta' Ghawdex

Il-Ministru tas-Sahha u Kura ta' l-Anzjani u Affarijiet tal-Familja, t-Tabib Michael Farrugia, flimkien mas-Segretarju Parlamentari ghal Ghawdex fl-Ufficcju tal-Prim Ministru, Dr. Anton Refalo, l-lum il-Hamis, 7 ta' Novembru, 1996, zaghru l-isptarijiet ta' Ghawdex fejn gew imdawra mill-Ufficjali ta' l-isptar u tad-Dipartiment tas-Sahha. Huma raw il-facilitajiet tas-sahha sekondarja offruti lic-Cittadini Ghawdxin u setghu jaraw b'ghajnejhom il-problemi kbar ezistenti gewwa l-isptarijiet ta' Ghawdex.

Huma zaru wkoll ic-Centru tas-Sahha gewwa Victoria, Ghawdex. Matul din iz-zjara taghhom il-Ministru Michael Farrugia u s-Segretarju Parlamentari Anton Refalo tkellmu mal-haddiema ta' l-isptarijiet u mal-pazjenti.

F'kelmtejn li saru mill-Ministru tas-Sahha u Kura ta' l-Anzjani u Affarijiet tal-Familja, Dr. Michael Farrugia, u mis-Segretarju Parlamentari ghal Ghawdex fl-Ufficcju tal-Prim Ministru, Dr. Anton Refalo, huma sahqu dwar il-bzonn ta' koperazzjoni shiha bejniethom, l-amministrazzjoni ta' l-isptarijiet kif ukoll mal-haddiema kollha. Huma sostnew li l-ghan principali ghandu jkun is-sahha u l-gid tal-pazjenti. Fl-istess hin il-haddiema ghandhom jahdmu f'ambjent fejn ikunu jistghu jikkontribwixxu ghall-ahjar tmexxija fis-settur tas-Sahha.