Is-Segretarju Parlamentari għas-Saħħa Chris Fearne flimkien mal-Ministru għall- Intern u s-Sigurtà Nazzjonali Carmelo Abela żaru wħud mill-vittmi tal-inċident tal-Ħadd li għadda fl-Isptar Mater Dei.

Huma rringrazzjaw lill-ħaddiema ta’ dan l-isptar għall-professjonalitá u l-effiċjenza tagħhom flimkien mat-timijiet mediċi. Huma awguraw fejqan ta’ malajr lil dawk kollha li sofrew kemm ġrieħi serji kif ukoll minn ġrieħi ħfief. Carmelo Abela u Chris Fearne wrew ukoll il-gratitudni tagħhom lejn is-servizzi rapidi u l-assistenza offruta mill-membri tal-Pulizija, l-Armata u l-Protezzjoni  Ċivili f’dan l-inċident sfortunat.