Left arrow Mur Lura

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jiltaqa’ mal-Malta Employers’ Association biex ikompli jsaħħaħ id-djalogu mal-imsieħba soċjali

PR261979
Date Icon 20/11/2026

L-Ispeaker tal-Kamra tad-Deputati, Carmelo Abela, iltaqa’ nhar il-Ħamis waranofsinhar mal-President tal-Malta Employers’ Association (MEA), Ivan Refalo, u mad-Direttur Ġenerali tal-istess Assoċjazzjoni, Kevin J. Borg.

 

Matul il-laqgħa ġiet enfasizzata l-importanza li l-Parlament ikompli jsaħħaħ ir-relazzjonijiet tiegħu mal-organizzazzjonijiet u l-entitajiet li għandhom rwol importanti fil-ħajja ekonomika u soċjali tal-pajjiż, b’mod partikolari mal-imsieħba soċjali. Dan bħala parti mill-impenn favur Parlament dejjem aktar miftuħ, aċċessibbli u qrib is-soċjetà.

 

Id-diskussjoni ffukat fost l-oħrajn fuq il-ħidma tal-Parlament, b’enfasi partikolari fuq l-irwol tal-Kumitati Parlamentari, il-proċessi ta’ konsultazzjoni u l-kontribut li jistgħu jagħtu l-imsieħba soċjali fil-konsiderazzjoni ta’ temi u proposti li jolqtu lill-pajjiż.

 

F’dan il-kuntest, ġew diskussi diversi materji ta’ interess komuni, fosthom l-Iskema għall-Iskambju tal-Kwoti tal-Emissjonijiet (ETS), ir-relazzjonijiet industrijali u kwistjonijiet oħra relatati mad-dinja tax-xogħol. Ġie rikonoxxut li l-esperjenza u l-għarfien tal-MEA jistgħu jikkontribwixxu b’mod sinifikanti biex jarrikkixxu d-diskussjonijiet parlamentari, partikolarment dwar kwistjonijiet ekonomiċi u soċjali li għandhom impatt fuq in-negozji, il-ħaddiema u l-ekonomija Maltija.

 

L-Ispeaker saħaq li djalogu kontinwu mal-imsieħba soċjali huwa importanti sabiex il-Parlament ikun jista’ jibbenefika minn perspettivi differenti u minn għarfien speċjalizzat meta jkun qed jindirizza materji li jolqtu lis-soċjetà.

 

Bħala parti minn dan l-impenn biex jissaħħu r-rabtiet bejn il-Parlament u l-imsieħba soċjali, l-Ispeaker stieden lill-Kunsill tal-MEA għal żjara fil-Parlament. Din iż-żjara għandha sservi bħala opportunità għall-membri tal-Kunsill biex isiru aktar familjari mal-funzjonament tal-istituzzjoni, il-proċessi parlamentari u l-ħidma li titwettaq mill-Kumitati Parlamentari.

 

Il-laqgħa kienet opportunità oħra biex jissaħħaħ id-djalogu bejn il-Parlament u l-Malta Employers’ Association, bil-għan li tiġi promossa aktar parteċipazzjoni, konsultazzjoni u kollaborazzjoni fuq materji ta’ interess komuni u nazzjonali.

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Malta Employers’ Association biex ikompli jsaħħaħ id-djalogu mal-imsieħba soċjali
STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Malta Employers’ Association biex ikompli jsaħħaħ id-djalogu mal-imsieħba soċjali
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  Speaker of the House meets Malta Employers’ Association to strengthen dialogue with social partners

PR261979en

PRESS RELEASE BY THE OFFICE OF THE SPEAKER Speaker of the House meets Malt...

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  Imħabbra passi konkreti dwar il-ħarsien tal-annimali f’pajjiżna waqt laqgħa mal-għaqdiet volontarji fis-settur

PR261978

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...

Aktar Stqarrijiet Right arrow