Left arrow Go Back

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta

PR261970
Date Icon 19/11/2026

L-Ispeaker tal-Kamra tad-Deputati, Carmelo Abela, żar il-Kulleġġ San Albert il-Kbir fil-Belt Valletta wara stedina mir-Rettur tal-Kulleġġ, P. Aaron Zahra OP. Din kienet l-ewwel żjara minn sensiela ta’ żjarat li l-Ispeaker se jkun qed jagħmel fi skejjel differenti madwar Malta, bil-għan li l-Parlament ikompli jersaq aktar lejn in-nies u jsir istituzzjoni li tmur hi għand iċ-ċittadini, inkluż it-tfal u ż-żgħażagħ.


Matul iż-żjara, l-Ispeaker kellu l-opportunità jiltaqa’ mal-membri tal-istaff u mal-istudenti tal-kulleġġ, u jitkellem magħhom dwar l-importanza tal-edukazzjoni u r-rwol tagħha fit-tiswir tal-ġenerazzjonijiet futuri.


Parti importanti miż-żjara kienet il-laqgħa mal-istudenti tal-primarja u tas-sekondarja, li ħejjew għadd ta’ mistoqsijiet interessanti dwar il-Parlament, ir-rwol tal-Ispeaker u l-ħidma tiegħu. Matul din il-laqgħa, l-Ispeaker wieġeb għall-mistoqsijiet tagħhom, u b’hekk l-istudenti kellhom l-opportunità jsiru jafu aktar mill-qrib dwar il-funzjonijiet tal-Parlament u l-ħidma tiegħu.


Waqt iż-żjara saret ukoll preżentazzjoni ta’ numru ta’ kartolini tal-Milied imfassla mill-istudenti bħala parti minn inizjattiva tal-Kulleġġ stess. F’din l-inizjattiva ħadu sehem aktar minn 120 student u studenta ta’ kull età, li użaw il-kreattività u t-talent tagħhom biex jiddisinjaw kartolini tal-Milied. Numru minn dawn il-kartolini se jintgħażlu sabiex jiġu stampati u jitqassmu mill-Ispeaker bħala kartolini uffiċjali ta’ awgurju għall-Milied.


Barra minn hekk, ix-xogħlijiet tal-istudenti se jkunu esebiti fil-foyer tal-Parlament, bħala parti minn wirja li se tittella’ mill-1 sal-10 ta’ Diċembru. Din il-wirja se tinkludi wkoll Bambini antiki minn kunventi differenti madwar Malta.


L-Ispeaker faħħar l-inizjattiva u l-kreattività tal-istudenti, filwaqt li enfasizza l-importanza li ż-żgħażagħ jingħataw opportunitajiet sabiex jesprimu t-talenti tagħhom u jkollhom kuntatt dirett mal-istituzzjonijiet nazzjonali.


Din iż-żjara tifforma parti mill-isforz biex il-Parlament ikompli jsaħħaħ ir-rabta tiegħu mal-komunità u mal-istituzzjonijiet edukattivi, filwaqt li jħeġġeġ liż-żgħażagħ isiru aktar familjari mal-ħidma tal-ogħla istituzzjoni demokratika tal-pajjiż.


STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta
STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta
STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta
STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta
STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jżur il-Kulleġġ San Albert il-Kbir fil-Belt Valletta
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  The European Union must recognise youth work as an investment in wellbeing, inclusion and youths’ resilience

PR261971en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  L-Unjoni Ewropea għandha tirrikonoxxi l-ħidma fost iż-żgħażagħ bħala investiment fil-benesseri, l-inklużjoni u r-reżiljenza taż-żgħażagħ

PR261971

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow