Left arrow Go Back

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti

PR261950
Date Icon 18/11/2026

L-Aġenzija Żgħażagħ, flimkien mal-Ministeru għaż-Żgħażagħ, il-Benesseri u l-Implimentazzjoni tal-Programm Elettorali rrikonoxxa l-ħidma u l-kontribut tar-rappreżentanti tal-kunsilli tal-istudenti fl-istituzzjonijiet postsekondarji waqt iċ-ċerimonja tal-Post-Secondary Student Council Democracy Awards.

 

L-attività kienet opportunità sabiex jiġu ċċelebrati l-involviment u t-tmexxija taż-żgħażagħ fil-komunitajiet edukattivi tagħhom, filwaqt li ġiet enfasizzata l-importanza tal-kunsilli tal-istudenti bħala pjattaforma li permezz tagħha ż-żgħażagħ jistgħu jieħdu sehem fid-deċiżjonijiet li jaffettwawhom direttament.

 

Bħala parti mill-attività, ittellgħet ukoll diskussjoni fil-qafas tal-EU Youth Dialogue, li matulha l-istudenti kellhom l-opportunità jiddiskutu mal-Ministru temi bħall-intelliġenza artifiċjali, il-midja soċjali u l-vuċi taż-żgħażagħ fis-soċjetà.

 

Matul id-diskussjoni ġiet enfasizzata l-importanza li ż-żgħażagħ ikunu mgħammra bil-ħiliet meħtieġa sabiex jivvalutaw b’mod kritiku l-informazzjoni li tilħaqhom, partikolarment f’ambjent diġitali fejn l-informazzjoni hija dejjem aktar aċċessibbli. Filwaqt li l-midja soċjali u l-intelliġenza artifiċjali joffru opportunitajiet ġodda għat-tagħlim u l-komunikazzjoni, huwa importanti li ż-żgħażagħ ikunu kapaċi jagħrfu l-affidabbiltà u l-eżattezza tal-informazzjoni.

 

Waqt iċ-ċerimonja ġew ippreżentati wkoll il-proġetti mwettqa mill-kunsilli tal-istudenti, qabel ma ngħataw l-għotjiet ta’ rikonoxximent mill-Ministru Omar Farrugia, mis-Segretarju Permanenti tal-Ministeru u mill-Kap Eżekuttiv tal-Aġenzija Żgħażagħ.

 

L-inizjattiva tkompli tenfasizza li l-parteċipazzjoni taż-żgħażagħ mhijiex limitata għall-preżenza tagħhom f’attivitajiet, iżda għandha tkun parti integrali mill-proċess tat-teħid tad-deċiżjonijiet. Il-ħiliet ta’ tmexxija, kollaborazzjoni u responsabbiltà ċivika li jiżviluppaw permezz tar-rappreżentanza huma parti importanti mill-iżvilupp personali tagħhom u mill-bini ta’ soċjetà aktar parteċipattiva.

 

Waqt din id-diskussjoni, il-Ministru Omar Farrugia enfasizza l-importanza li l-vuċi taż-żgħażagħ tkompli tinstema’, filwaqt li rringrazzja lir-rappreżentanti tal-istudenti għall-impenn tagħhom sabiex isaħħu l-parteċipazzjoni u r-rappreżentanza fil-komunitajiet edukattivi tagħhom.

 

“Il-kunsilli tal-istudenti għandhom rwol importanti biex jagħtu vuċi lill-istudenti u jrawmu fihom it-tmexxija, il-kollaborazzjoni u s-sens ta’ responsabbiltà. Irridu nibqgħu noħolqu aktar opportunitajiet fejn nisimgħu liż-żgħażagħ u nagħtuhom spazju biex ikunu parti mill-bidla. Huwa għalhekk li qed inħejju wkoll The Youth Floor, forum nazzjonali ġdid li permezz tiegħu ż-żgħażagħ se jkunu involuti direttament fit-tfassil tal-politika u fit-teħid tad-deċiżjonijiet,” stqarr il-Ministru Farrugia.

 

Ritratti: MYWI

 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti
 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti
 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti
 STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI Jingħata rikonoxximent lill-kunsilli tal-istudenti
Share this Press Release Icon socials Icon socials Icon socials Icon socials

Other Press Releases:

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  €1.16 million to strengthen the resilience of coastal wetlands

PR261949en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow