Left arrow Go Back

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943
Date Icon 17/11/2026

Id-Dipartiment tar-Radjoloġija f’San Vinċenz mistenni jaqbeż l-20,000 eżami sal-aħħar ta’ Novembru 2026. Dan jirrappreżenta żieda sinifikanti meta mqabbel mal-14,000 eżami li saru matul is-sena 2025 kollha

 

Dan it-tkabbir jirrifletti l-impenn kontinwu ta’ San Vinċenz li jinvesti f’teknoloġija moderna, ikompli jwessa’ s-servizzi tas-saħħa u jtejjeb l-aċċess għal eżamijiet speċjalizzati għall-anzjani.

 

Matul dawn l-aħħar snin, id-Dipartiment għadda minn żvilupp sostanzjali, kemm f’dak li hu tagħmir kif ukoll fil-firxa ta’ servizzi offruti. Illum jipprovdi diversi eżamijiet dijanjostiċi, fosthom X-rays, ultrasounds, videofloroskopija, eżamijiet tad-densità tal-għadam, CT scans u MRI.

 

L-iżvilupp tad-Dipartiment beda bil-ftuħ tiegħu fl-2021, mgħammar b’apparat modern tal-X-rays u tal-videofloroskopija. Matul is-snin ġew introdotti aktar servizzi fosthom is-servizzi tal-ultrasound, is-servizz tal-kejl tad-densità tal-għadam, żewġ magni portabbli tal-X-ray li jippermettu li l-eżamijiet isiru direttament ħdejn is-sodda tar-residenti u magna CT Scan avvanzata. Żvilupp importanti ieħor seħħ din is-sena meta ġiet inawgurata magna ġdida tal-MRI waqt li l-aktar żvilupp riċenti sar f’Awwissu meta ġiet introdotta t-tielet magna tal-ultrasound, speċjalizzata fl-eżamijiet muskoloskeletali.

 

Dawn is-servizzi huma disponibbli għar-residenti, kif ukoll għal persuni li għandhom 60 sena jew aktar mill-komunità u minn djar oħra tal-anzjani.

 

Permezz ta’ investiment kontinwu fit-teknoloġija, fl-infrastruttura u fis-servizzi, San Vinċenz qed ikompli jsaħħaħ ir-rwol tiegħu bħala ċentru li jipprovdi kura tas-saħħa komprensiva għall-anzjani.

Il-fatt li din is-sena mistennija jinqabżu l-20,000 eżami huwa pass importanti ieħor biex il-ħtiġijiet tas-saħħa tal-anzjani tagħna jkunu jistgħu jiġu indirizzati b’servizzi moderni, aċċessibbli u ta’ kwalità.

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026
STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026
STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow