Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ “L-Unjoni Ewropea trid issaħħaħ il-preżenza tagħha fil-Libja” – il-Ministru Fearne

PR261941
Date Icon 17/11/2026

L-Unjoni Ewropea għandha tieħu rwol aktar attiv fil-Libja biex tikkontribwixxi għall-istabbiltà u s-sigurtà fil-Mediterran. Dan saħqu l-Ministru għall-Affarijiet Barranin u Ewropej, Chris Fearne, fi Brussell, fejn qed jipparteċipa fil-laqgħa tal-Kunsill għall-Affarijiet Barranin tal-Unjoni Ewropea.

 

Il-Ministru Fearne sostna li, minkejja li s-sitwazzjoni fil-Libja għadha instabbli, hemm sinjali ta’ progress li għandhom jiġu mħeġġa. Huwa appella biex l-Unjoni Ewropea ssaħħaħ l-involviment tagħha fil-pajjiż, partikolarment fi żmien meta pajjiżi oħra qed ikollhom rwol attiv fir-reġjun.

 

Dwar is-sitwazzjoni fil-Lvant Nofsani, il-Ministru Fearne tenna l-appell ta’ Malta biex l-Iżrael jerġa’ jiftaħ il-kurituri umanitarji, sabiex l-għajnuna li tinsab fil-fruntieri tkun tista’ tasal għand il-poplu ta’ Gaża, fejn għadha għaddejja kriżi umanitarja.

 

Rigward is-Sirja, il-ministru qal li l-pajjiż qed juri sinjali ta’ progress u li l-Unjoni Ewropea għandha tkompli tappoġġa l-isforzi favur l-istabbiltà u s-sigurtà. Huwa enfasizza l-importanza li jissaħħu r-relazzjonijiet mal-poplu u l-gvern Sirjan, mhux biss fuq livell politiku, iżda wkoll permezz ta’ skambji kulturali, soċjali u kummerċjali.

 

Il-Ministru Fearne saħaq li l-istabbiltà tal-Ewropa hija marbuta direttament mal-paċi, is-sigurtà u l-prosperità fil-Mediterran, u għalhekk huwa fl-interess ta’ Malta li l-Unjoni Ewropea tagħti prijorità lill-iżviluppi fir-reġjun.

 

Dwar in-negozjati tal-paċi fl-Ukrajna, il-ministri qablu li l-attenzjoni issa għandha tkun fuq is-sustanza tad-diskussjonijiet kif ukoll li waqfien mill-ġlied u garanziji ta' sigurtà għall-Ukrajna għandhom ikunu ta’ prijorità.

 

Wara t-tmiem tal-laqgħa tal-FAC, il-Ministri tal-Affarijiet Barranin tal-UE ltaqgħu mal-kontropartijiet tagħhom mill-Kawkasu t'Isfel, l-Asja Ċentrali, il-Moldova, it-Turkija u l-Ukrajna fit-tieni laqgħa ministerjali.

 

Il-Ministru Fearne esprima tħassib dwar is-sitwazzjoni fil-Baħar l-Iswed, u enfasizza l-importanza tal-libertà tan-navigazzjoni, ħaġa li hija speċjalment importanti għal Malta bħala nazzjon marittimu. Huwa appella lill-Kummissjoni Ewropea biex tmexxi l-isforzi sabiex jiġu esplorati metodi sabiex jittaffew l-ispejjeż marittimi assoċjati mat-tensjoni li qed teskala.

 

Filwaqt li fakkar li Malta tospita ċ-Ċentru Globali għall-Monitoraġġ tas-Sanzjonijiet Marittimi, huwa assigura lis-sħab tal-UE li Malta hija lesta li tipprovdi assistenza teknika u miżuri fil-kuntest ta’ Strateġija ġdida possibbli għall-Baħar l-Iswed.

Fil-marġini tal-laqgħat fi Brussell, il-Ministru Fearne kellu wkoll laqgħa bilaterali mal-Ministru għall-Affarijiet Barranin tat-Turkija, Hakan Fidan.

STQARRIJA MILL-MINISTERU GĦALL-AFFARIJIET BARRANIN U EWROPEJ  “L-Unjoni Ewropea trid issaħħaħ il-preżenza tagħha fil-Libja” – il-Ministru Fearne
STQARRIJA MILL-MINISTERU GĦALL-AFFARIJIET BARRANIN U EWROPEJ  “L-Unjoni Ewropea trid issaħħaħ il-preżenza tagħha fil-Libja” – il-Ministru Fearne
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow