STQARRIJA MILL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR Jitħabbru r-rebbieħa tat-tieni edizzjoni tas-Sustainable Development Action Awards

Il-Ministeru għall-Enerġija, l-Ambjent u r-Riġenerazzjoni tal-Port il-Kbir organizza t-tieni edizzjoni tas-Sustainable Development Action Awards, li jirrikonoxxu inizjattivi u proġetti konkreti favur l-iżvilupp sostenibbli f’Malta.

Organizzati mid-Direttorat għall-Iżvilupp Sostenibbli fi ħdan il-Ministeru, dawn il-premjijiet jagħtu rikonoxximent lil individwi, organizzazzjonijiet volontarji, entitajiet pubbliċi, ġurnalisti, żgħażagħ, skejjel, akkademiċi u negozji li, permezz tal-ħidma u l-inizjattivi tagħhom, qed jikkontribwixxu għas-sostenibbiltà ekonomika, soċjali u ambjentali ta’ pajjiżna.

Il-Ministru għall-Enerġija, l-Ambjent u r-Riġenerazzjoni tal-Port il-Kbir, Miriam Dalli, qalet li, “l-iżvilupp sostenibbli huwa investiment fil-kwalità tal-ħajja tal-lum u tal-ġenerazzjonijiet futuri. Permezz ta’ dawn il-premjijiet qed inħeġġu aktar inizjattivi, parteċipazzjoni u kollaborazzjoni bejn is-setturi differenti, biex flimkien inkomplu nsaħħu s-sostenibbiltà ta’ pajjiżna.”

Id-Direttur Ġenerali għall-Iżvilupp Sostenibbli, Francine Pace Caruana, qalet li din it-tieni edizzjoni tkompli tibni fuq is-suċċess tas-sena li għaddiet u tagħti viżibbiltà u rikonoxximent lill-inizjattivi li qed jikkontribwixxu b’mod konkret għall-għanijiet ta’ żvilupp sostenibbli.

Dawn il-premjijiet ġew appoġġati wkoll mill-Ministeru għall-Gvern Lokali u x-Xogħlijiet Pubbliċi, mill-Ministeru għall-Edukazzjoni u l-Isport, mill-Awtorità għall-Ambjent u r-Riżorsi (ERA), Xjenza Malta, kif ukoll minn Aġenzija Żgħażagħ.

Ir-rebbieħa tas-Sustainable Development Action Awards 2026 huma:

ESG Positive Impact Award

MedservRegis

Research and Innovation Award

Dawl AI Lab

Sustainable School Award

SNC Anton Agius, Rabat Primary School

Environment Award

BirdLife Malta

Sustainability in Journalism Award

James Debono

Community Impact Award

Women for Women Foundation

Public Service Award

Ambjent Malta

Youth Impact Award

Jacob Cachia

Għal aktar informazzjoni, żur sustainabledevelopment.gov.mt jew segwi Sustainable Development Malta u Sostenibilità fuq il-midja soċjali.