AVVIŻ MILL-AWTORITÀ GĦAS-SIGURTÀ TAL-IKEL

Skont il-Kap 649 tal-Att dwar l-Awtorità għas-Sigurtà tal-Ikel, u f'konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku bl-informazzjoni li rċeviet permezz tas-Sistema Rapida tal-Ikel u l-Għalf (RASFF). It-twissija tiddikjara li l-prodott imsemmi m'għandux jiġi kkunsmat minħabba li jista' jkun fih livelli għoljin ta' esteri gliċidiliċi tal-aċidi xaħmin (Glycidyl fatty acidesters (GE)).

Meta jiġu kkunsmati, l-esteri tal-aċidi grassi tal-gliċidil (GE) jinbidlu f'gliċidol fil-ġisem tal-bniedem. Il-gliċidol huwa sustanza ġenotossika u karċinoġenika, li jfisser li tista' tagħmel ħsara lid-DNA u żżid ir-riskju tal-kanċer.

Deskrizzjoni tal-Prodott:	Wasabi Crackers
Ditta:	Golden Turtle
Oriġini:	L-Olanda
Użin:	125g
Data tad-Durabbiltà:	02-02-2027 24-02-2027 19-03-2027 18-05-2027 05-06-2027
EAN:	8717703617092

Il-konsumatur m'għandux jikkonsma dan il-prodott u huwa mitlub jew jarmi l-prodott indikat jew jirritornah lura minn fejn xtrah.

Għal aktar informazzjoni, il-pubbliku jista' jċempel lill-Awtorità għas-Sigurtà tal-Ikel fuq in-numru tat-telefown+356 26025000, mit-Tnejn sal-Ġimgħa bejn it-8:00 a.m. u t-3:00 p.m., jew jibgħat email fuq l-indirizz info.fssa@gov.mt.