AVVIŻ MID-DIRETTORAT GĦAS-SAĦĦA AMBJENTALI

Skont id-Direttiva dwar il-Kwalità tal-Ilma għall-Għawm, id-Direttorat tas-Saħħa Ambjentali fi ħdan is-Sovrintendenza tas-Saħħa Pubblika jixtieq jinnotifika lill-pubbliku li, bħala miżura ta' prekawzjoni, l-għawm mhuwiex rakkomandat f'din iż-żona.

Il-kawża tal-ħruġ ta' drenaġġ ġiet identifikata u indirizzata minnufih. Il-kawża kienet imblukkar f'kanal sekondarju tad-drenaġġ, ikkawżat minn materjal mormi illegalment minn terzi, inkluż kantun ta' daqs konsiderevoli u skart ieħor tal-kostruzzjoni, li issa tneħħa taħt is-superviżjoni tal-Uffiċjali tas-Saħħa Ambjentali (EHO) u l-Korporazzjoni għas-Servizzi tal-Ilma.

Dwar dan il-każ sar rapport lill-pulizija.

L-għeluq taż-żona qed jittieħed bħala prekawzjoni sakemm l-EHOs iwettqu t-testijiet kollha li jkun hemm bżonn.

Kodiċi tas-sit:	B08
Lokalità	Il Bajja tal-Balluta San Ġiljan n-naħa tax-xellug

Tabelli li jindikaw iż-żona ġew imwaħħla fis-sit. Meta l-kwalità tiġi restawrata, it-tabelli ser jitneħħew u tinħareġ stqarrija għall-istampa oħra biex tinnotifika lill-pubbliku li s-sit huwa mill-ġdid tajjeb għall-għawm.

Għal aktar informazzjoni, l-pubbliku jista' jċempel lid-Direttorat għas-Saħħa Ambjentali fuq numru tat-telefon – 20954992 mit-8:00 ta' filgħodu sas-2:30 ta' waranofsinhar jew jibgħat imejl fuq wrau.ehd@gov.mt. Il-pubbliku huwa ġentilment mitlub iżur il-paġna tad-Direttorat fuq Facebook https://www.facebook.com/EHDMalta  jew is-sit uffiċjali fuq https://environmentalhealth.gov.mt jew EHD Bathing Portal fuq https://mfh-mt.maps.arcgis.com/apps/dashboards/31f48638f89c4d60bd6143818a46a2c7 għal informazzjoni simili.