STQARRIJA MILL-KUMMISSJONI ELETTORALI Elezzjoni Ġenerali – Mejju 2026

Dokumenti tal-vot ta’ residenti f’San Vinċenz de Paul

Il-Kummissjoni Elettorali tavża lil dawk il-familjari jew persuni li rċevew id-dokument għall-votazzjoni għan-nom ta’ xi qraba jew persuni oħra li bħalissa huma residenti fir-Residenza San Vinċenz de Paul,  illi dawn għandhom jassiguraw  li dan id-dokument għall-votazzjoni jingħata lil dawn ir-residenti sa mhux aktar tard min-nofsinhar tal-Ġimgħa, 22 ta’ Mejju, 2026.   Dan hu meħtieġ sabiex il-Kummissjoni tkun tista’ tagħmel il-preparamenti u verifiki sabiex tassigura li dawn ir-residenti jkunu jistgħu jeżerċitaw id-dritt tal-vot kif titlob il-liġi.

Il-Kummissjoni Elettorali tfakkar ukoll li persuni mhux reġistrati bħala eletturi fir-Residenza San Vinċenz de Paul iżda preżentement residenti fl-imsemmi post ikunu jridu jivvutaw is-Sibt, it-23 ta’ Mejju, 2026, f’din ir-residenza.