STQARRIJA MILL-UFFIĊĊJU NAZZJONALI TAL-VERIFIKA Rapporti ta’ segwitu mill-Uffiċċju Nazzjonali tal-Verifika - 2025 (Volum II)

L-Awditur Ġenerali, Charles Deguara, ippreżenta lill-Ispeaker tal-Kamra, Anġlu Farrugia, it-tieni volum ta' rapporti ta' segwitu għas-sena 2025. Dan il-volum jinkludi r-riżultati tal-verifiki li saru fuq l-iżviluppi marbuta mar-rakkomandazzjonijiet li jinsabu f'erba' awditi differenti li l-Uffiċċju Nazzjonali tal-Verifika kien wettaq fl-aħħar snin.

Bħalma kien fil-każ tal-ewwel ġabra ta' rapporti ta' segwitu

L-Uffiċċju Nazzjonali tal-Verifika analizza l-implimentazzjoni tar-rakkomandazzjonijiet li jinsabu fir-rapporti sussegwenti:

 Verifika ta' rapport ta' segwitu mis-Sezzjoni tal-Informazzjoni Teknoloġika:

• IT Audit – Planning Authority

 Verifika ta' rapporti ta' segwitu mis-Sezzjoni tal-Verifika ta' Prestazzjoni:

• Ensuring fair Non-Contributory Social Benefits and safeguarding against related fraud
• An assessment of capital projects at the University of Malta
• Assessing the public transport contract and Transport Malta's visibility on the service

L-NAO sab li 42 fil-mija tar-rakkomandazzjonijiet inklużi fir-rapporti msemmija hawn fuq, ġew implimentati bis-sħiħ, parzjalment, jew kienu fil-proċess li jiġu implimentati mill-Ministeri u l-Entitajiet konċernati. Minħabba ċ-ċirkostanzi speċifiċi tar-rapport ta' segwitu: Ensuring fair Non-Contributory Social Benefits and safeguarding against related fraud, din l-istatistika għandha titqies fid-dawl li din ir-reviżjoni ta' segwitu twettqet fi stadju bikri tal-implimentazzjoni tar-rakkomandazzjonijiet proposti. Għaldaqstant, l-Uffiċċju jara li hemm lok għal eżerċizzju ieħor ta' segwitu fil-futur biex jidditermina progressi ulterjuri fl-implimentazzjoni tar-rakkomandazzjonijiet oriġinali.

Din il-pubblikazzjoni hija aċċessibbli minn fuq is-sit uffiċjali tal-NAO nao.gov.mt jew mill-paġna tal-Facebook tal-Uffiċċju www.facebook.com/NAOMalta.