AVVIŻ MILL-AWTORITÀ GĦAS-SIGURTÀ TAL-IKEL

Din l-istqarrija tissostitwixxi l-verżjoni ppubblikata fit-23 ta' Jannar 2026 (PR260116) wara korrezzjoni fin-numru tal-lott u d-data tad-durabilità.

Skont il-Kap 649 tal-Att dwar is-Sigurtà tal-Ikel u f'konformità mar-irwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku li, wara analiżi li saret bħala parti mill-kontrolli uffiċjali mwettqa mill-istess Awtorità, l-imsemmi prodott m'għandux jiġi kkunsmat minħabba li jista' jkun fih livelli għoljin ta' aċidu idroċjaniku (hydrocyanic acid).

L-aċidu idroċjaniku huwa inkluż b'mod espliċitu fil-lista ta' kontaminanti fir-Regolament (UE) 2023/915 dwar il-kontaminanti fl-ikel, fejn il-livell massimu tal-aċidu idroċjaniku fl-oġġetti tal-ikel huwa stabbilit sabiex tiġi ssalvagwardjata s-saħħa tal-konsumatur.

Deskrizzjoni tal-prodott:	Linseed Brown
Ippakkjat minn:	Zammit and Cachia (Marketing) Ltd
Użin:	1Kg
Numru tal-lott:	K2024 SWK
Data tad-durabilità:	08/2026

Il-konsumatur m'għandux jikkonsma dan il-prodott u huwa mitlub jew jarmi l-prodott indikat jew jirritornah fil-post minn fejn inxtara.

Għal aktar informazzjoni, il-pubbliku jista' jċempel lill-Awtorità għas-Sigurtà tal-Ikel fuq in-numru tat-telefown +356 26025000 mis-7:30a.m. sas-2:30p.m. jew jibgħat email fuq l-indirizz info.fssa@gov.mt.