AVVIŻ MILL-AWTORITÀ GĦAS-SIGURTÀ TAL-IKEL

B'referenza għall-Istqarrija PR260010  ppubblikata fis-6 ta' Jannar 2026, u skont il-Kap 649 tal-Att dwar is-Sigurtà tal-Ikel, u f'konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku li wara informazzjoni li rċeviet mingħand l-operatur involut, il-prodotti msemmija m'għandhomx jiġu kkunsmati  minħabba li jista' jkun fihom traċċi ta' 'cereulide toxin'.

Il-possibbilita' tal-preżenza ta' 'cereulide' (tossina) tagħmel dawn il-prodotti mhux sikuri biex jiġu kkunsmati.

'Cereulide'  hija tossina prodotta minn tipi ta'  'Bacillus cereus'. 'Cereulide' hija reżistenti ħafna għas-sħana, li jfisser li x'aktarx ma tiġix diżattivata jew meqruda bit-tisjir, bl-użu ta' ilma jagħli jew waqt il-preparazzjoni tal-ħalib tat-trabi. Jekk tiġi kkunsmata, tista' twassal malajr għal sintomi ta' avvelenament mill-ikel. Is-sintomi kkawżati minn din it-tossina jistgħu jinkludu dardir, rimettar u uġigħ ta' żaqq.

Il-konsumat ur m'għandux jikkonsma dan il-prodott u huwa mitlub jew jarmi l-prodott indikat jew jirritornah lura minn fejn xtrah.

Għal aktar informazzjoni, il-pubbliku jista' jċempel lill-Awtorità għas-Sigurtà tal-Ikel fuq in-numru tat-telefown +356 26025211 mis-7:30 a.m. sas-2:30 p.m. jew jibgħat email fuq info.fssa@gov.mt.