AVVIŻ MID-DIRETTORAT GĦAS-SAĦĦA AMBJENTALI

B'referenza għall-istqarrija bin-numru PR250325 maħruġa fis-26 ta' Frar 2025, għall-istqarrija bin-numru PR250431 maħruġa fis-17 ta' Marzu 2025 u skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika, jixtieq jinforma lill-pubbliku, li wara informazzjoni li rċieva mingħand xi kummerċjanti u li ġiet ikkonfermata permezz tas-Sistema Rapida għall-Ikel u l-Għalf, il-prodotti imsemmijin m'għandomx jiġu kkunsmati minħabba li nstab li fihom il-pestiċida, chlorpyrifos.

Għal aktar informazzjoni, il-pubbliku jista' jċempel lis-Servizzi tas-Saħħa Ambjentali fuq numru tat-telefown – 2133 7333 mit-8:00 ta' filgħodu sas-2:30 ta' waranofsinhar jew jibgħat email fuq admin.ehd@gov.mt. Il-pubbliku huwa ġentilment mitlub iżur il-paġna tad-Direttorat fuq Facebookhttps://www.facebook.com/EHDMalta jew is-sit uffiċjali fuq https://environmentalhealth.gov.mt għal informazzjoni simili.