STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL: Antoinette Vassallo kkonfermata bħala Kummissarju għat-Tfal

Antoinette Vassallo ser tkun qed terġa' tokkupa l-kariga ta' Kummissarju għat-Tfal, b'dan ikun it-tieni terminu tagħha.

Din id-deċiżjoni ġiet ikkonfermata mill-Kumitat Permanenti dwar l-Affarijiet Soċjali li approva din in-nominazzjoni.

Fl-aħħar tliet snin, Antoinette Vassallo kompliet tippromwovi u ssaħħaħ il-promozzjoni u l-protezzjoni tat-tfal. Il-mandat tagħha ssawwar viċin it-tfal u l-parteċipazzjoni diretta tagħhom f'deċiżjonijiet politiċi li jaffettwaw direttament lilhom.

Il-prijorità ewlenija tal-Kummissarju għat-Tfal, Antoinette Vassallo tibqa' dik li tissalvagwardja d-drittijiet u l-ħarsien soċjali tagħhom.