STQARRIJA MILL-UFFIĊĊJU TAL-PRIM MINISTRU Bidla oħra fuq impenn politiku favur aktar governanza fl-operat tal-Gvern

L-Uffiċċju tas-Segretarju Permanenti Ewlieni fuq l-impenn politiku li għamel il-Prim Ministru Robert Abela, wettaq bidla oħra fejn reġa’ aġġorna l-kriterji li jirregolaw il-ħatriet fost oħrajn tal-Policy Consultants bħala persuni ta’ fiduċja, dan b’mod li ġew iċċarati punti fis-sezzjoni 7 tal-Manual for Resourcing Policies & Procedures.


Dan l-impenn politiku huwa konformi ma’ dak li rrakkomanda l-Kummissarju għall-Istandards fil-Ħajja Pubblika fejn issa l-kriterji huma aktar rigorużi fuq dak li diġà kien hemm f’bidliet li saru fl-aħħar snin. Fost il-bidliet hemm dawk fejn tidħol pereżempju l-expertise allowance u anki l-iskali li fihom ikunu ingaġġati l-konsulenti.


Il-Gvern se jibqa’ jħares li jtejjeb l-istandards fl-operat tiegħu f’ġieħ it-trasparenza u l-kontabbiltà.


Dan anki quddiem riformi kbar li twettqu favur il-governanza li ġew imfaħħra minn istituzzjonijiet internazzjonali magħrufa li ma jħarsu lejn wiċċ ħadd.