Left arrow Mur Lura

STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI: Jitlestew xogħlijiet importanti mid-Dipartiment tax-Xogħlijiet Pubbliċi fl-Istitut tas-Sorijiet tan-Nigret fiż-Żurrieq

PR241496
Date Icon 23/09/2024

Id-Dipartiment tax-Xogħlijiet Pubbliċi lesta xogħlijiet importanti ta’ manutenzjoni fl-Istitut tas-Sorijiet ta’ Santa Tereża fin-Nigret, iż-Żurrieq. Xogħlijiet li għall-istess komunità tas-sorijiet u tal-benefiċjarji tagħha huma meqjusin importanti ħafna. 

Waqt żjara, is-Segretarju Parlamentari għax-Xogħlijiet Pubbliċi Omar Farrugia saħaq li dawn ix-xogħlijiet jikkonfermaw l-impenn tal-gvern li jkompli jkun ta’ spalla għal din il-faxxa soċjali li b’vokazzjoni twettaq xogħol importanti fis-soċjetà Maltija. 

“Ix-xogħlijiet ta’ manutenzjoni li saru fl-istitut huma ta’ importanza kbira fuq diversi aspetti. Mill-aspett soċjali, dawn ix-xogħlijiet ser ikomplu jiżguraw li s-servizz soċjali lill-komunità, li jwettqu s-sorijiet f’dan l-istitut, jibqa’ jkun wieħed sostenibbli,” spjega s-Segretarju Parlamentari Farrugia. Hu żied jgħid li x-xogħlijiet li twettqu jsaħħu l-aspetti tas-saħħa u tas-sigurtà għal dawk li jgħixu f’dan l-istitut kif ukoll għal dawk li jibbenifikaw mill-ħidma vokazzjonali tas-sorijiet. 

Ix-xogħlijiet li saru fl-istitut huma parti minn kullana ta’ xogħlijiet li qegħdin isiru f’binjiet oħrajn li huma ta’ preġju għall-wirt kulturali Malti. Fost dawn, is-Segretarju Parlamentari Farrugia semma r-restawr tal-kampnar tal-Knisja ta’ San Mark fir-Rabat, Malta, il-proġett taz-zuntier tal-Knisja ta’ San Nikola fis-Siġġiewi li jinsab fi stadju avvanzat u x-xogħlijiet ta’ pavimentar u sistema ta’ dawl artistiku ġdid fuq l-Arka ta’ De Rohan f’Ħaż-Żebbuġ, li se jkunu qed jitlestew fil-ġimgħat li ġejjin. 

L-Arċipriet taż-Żurrieq Dun Daniel Cardona ddeskriva dawn ix-xogħlijiet bħala ta’ sostenn kbir għall-komunità tas-sorijiet u għat-tfal li jgħixu f’dan l-istitut, kif ukoll għall-komunità taż-żona magħrufa bħala tan-Nigret. 

Matul iż-żjara tiegħu, is-segretarju parlamentari kien akkumpanjat mis-Sindku taż-Żurrieq Rita Grima. 

STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI: Jitlestew xogħlijiet importanti mid-Dipartiment tax-Xogħlijiet Pubbliċi fl-Istitut tas-Sorijiet tan-Nigret fiż-Żurrieq
STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI: Jitlestew xogħlijiet importanti mid-Dipartiment tax-Xogħlijiet Pubbliċi fl-Istitut tas-Sorijiet tan-Nigret fiż-Żurrieq
STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI: Jitlestew xogħlijiet importanti mid-Dipartiment tax-Xogħlijiet Pubbliċi fl-Istitut tas-Sorijiet tan-Nigret fiż-Żurrieq
STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI: Jitlestew xogħlijiet importanti mid-Dipartiment tax-Xogħlijiet Pubbliċi fl-Istitut tas-Sorijiet tan-Nigret fiż-Żurrieq
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

Aktar Stqarrijiet Right arrow