Left arrow Go Back

STQARRIJA MILL-UFFIĊĊJU TAL-PRESIDENT Il-President ta' Malta tindirizza liż-żgħażagħ tal-Malta Model United Nations Society

PR241390
Date Icon 02/09/2024


“Komplu fittxu soluzzjonijiet dejjiema u sostenibbli għall-isfidi globali"

Il-President ta' Malta tindirizza liż-żgħażagħ tal-Malta Model United Nations Society

L-E.T. il-President ta' Malta Myriam Spiteri Debono ospitat fil-Palazz ta' Sant'Anton lil grupp ta' żgħażagħ mill-Malta Model United Nations Society (MaltMUN) għal avveniment ta' networking bejn delegati Maltin u barranin.

MaltMUN hi għaqda mhux governattiva mmexxija miż-żgħażagħ għaż-żgħażagħ u għandha l-għan li trawwem l-eċċellenza fiż-żgħażagħ għal dak li hu dibattitu, negozjar u diskorsi fil-pubbliku.

L-attività saret bħala parti mill-konferenza annwali li tlaqqa' liż-żgħażagħ għal diskussjoni dwar materji ta' importanza globali, u matulha joħorġu b'ideat u inizjattivi dejjiema biex ikunu indirizzati dawn il-problemi u sfidi.

Meta kienet qed tindirizza liż-żgħażagħ, il-President Spiteri Debono rreferiet għat-tema tal-konferenza ta' din is-sena, li ffukat fuq ir-riżoluzzjoni tal-isfidi biex tintlaħaq stabbiltà globali, u faħħret id-determinazzjoni tagħhom favur soluzzjonijiet għall-ġid komuni.

“Bil-parteċipazzjoni tagħkom f'din il-konferenza qed turu li ż-żgħażagħ tal-lum mhux nieqsa mill-ħeġġa u d-determinazzjoni biex jaġixxu fuq l-isfidi internazzjonali, u b'mod attiv qed ifittxu soluzzjonijiet," innutat il-President ta' Malta.

Waqt li enfasizzat fuq il-bżonn ta' soluzzjonijiet fit-tul u sostenibbli, il-President ta' Malta tkellmet dwar l-importanza tad-diplomazija, biex l-isfidi globali jiġu indirizzati permezz tad-djalogu, in-negozjar u l-kompromess.

Il-President ta' Malta rrimarkat li Malta, kemm fil-Kunsill tas-Sigurtà tan-Nazzjonijiet Uniti, kif ukoll fit-tmexxija tal-Organizzazzjoni tas-Sigurtà u l-Kooperazzjoni fl-Ewropa, qed tixpruna djalogu u inizjattivi biex tippromwovi l-paċi, is-sigurtà u l-progress globali.

Fid-dawl ta' dan, il-President fakkret liż-żgħażagħ li pajjiż żgħir bħal Malta qed iġib bidla fuq livell internazzjonali, u għalhekk faħħret inizjattivi bħall-MaltMUN “li jgħinu żgħażagħ li jaspiraw karriera diplomatika u fit-tmexxija jiksbu għarfien u eserjenza li fil-futur tista' twassalhom biex isolvu l-problemi b'mod sostenibbli".

Diskors

Ritratti: OPR

STQARRIJA MILL-UFFIĊĊJU TAL-PRESIDENT Il-President ta' Malta tindirizza liż-żgħażagħ tal-Malta Model United Nations Society
STQARRIJA MILL-UFFIĊĊJU TAL-PRESIDENT Il-President ta' Malta tindirizza liż-żgħażagħ tal-Malta Model United Nations Society
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

More Press Releases Right arrow