STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Familji oħra jgawdu minn għajnuna addizzjonali għall-għoli tal-ħajja
pr241295
03/08/2024
Fi tmiem din il-ġimgħa qed isir ħlas tal-Benefiċċju Addizzjonali għall-Għoli tal-Ħajja lil kważi 500 familja oħra.
Dawn huma familji li ma jirċievu ebda benefiċċju soċjali u għalhekk kellhom japplikaw għall-benefiċċju msemmi. B'din l-applikazzjoni d-Diviżjoni għall-Għajnuna Finanzjarja u Osservanza fi ħdan il-Ministeru setgħet iġġib l-informazzjoni dwar id-dħul tal-applikanti mid-Dipartiment tat-Taxxa u min huwa intitolat se jirċievi dan il-benefiċċju.
Għaldaqstant, fi tmiem il-ġimgħa 493 benefiċjarju ġdid qed jitħallsu €141,000 bejniethom.
B'kollox, matul l-2024, 99,055 familja se jkunu rċevew il-Benefiċċju Addizzjonali għall-Għoli tal-Ħajja b'investiment totali ta' €33.1 miljun.
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN