Left arrow Mur Lura

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI: Tisħiħ tas-settur agrikolu permezz ta’ sett ta’ regolamenti ġodda

PR241189
Date Icon 11/07/2024

Il-Ministru għall-Agrikoltura, is-Sajd u d-Drittijiet tal-Annimali Anton Refalo ħabbar sett ta’ regolamenti ġodda li permezz tagħhom se jkompli jissaħħaħ is-settur ferm kruċjali tal-agrikoltura f’pajjiżna.  

Dawn ir-regolamenti huma r-Regolamenti tal-2024 dwar il-Kategorizzazzjoni tal-Bdiewa. L-għan tagħhom hu li joħolqu kategoriji ta’ azjendi agrikoli u jikkategorizzaw lill-bdiewa skont l-attività ekonomika tagħhom. Dawn ir-regolamenti huma konformi mal-Politika Agrikola Nazzjonali u jikkumplimentaw ir-Riforma tal-Art Agrikola. 

Il-Ministru Refalo stqarr, “Punt importanti ta’ dawn ir-regolamenti huwa li din il-kategorizzazzjoni se sservi bħala għodda biex nifhmu aħjar is-settur agrikolu u jiġu identifikati u indirizzati aħjar il-ħtiġijiet tiegħu. Din l-għodda se tipprovdi wkoll viżibilità aħjar tas-settur agrikolu għal dawk li jfasslu l-politika biex jinħarġu skemi u politiki aktar b’saħħithom u ffukati.” 

Huwa żied jgħid li dawn ir-regolamenti ser ikunu kruċjali għas-sostenibbiltà tas-settur agrikolu. “Dan kollu jimxi id f’id ma’ riformi u ma’ inizjattivi maħruġa mill-Gvern fis-snin u fix-xhur li għaddew u għalhekk hija konferma oħra li l-Gvern jibqa’ jibni fuq, u jsaħħaħ dak li jkun implimenta,” temm jgħid il-Ministru Refalo.

Id-Direttur għall-Agrikoltura, Marco Dimech, spjega li, “Permezz ta’ dawn ir-regolamenti se jiġi pprovdut qafas legali għall-azjendi agrikoli kummerċjali biex jiġu identifikati f’kategoriji differenti skont l-introjtu annwali tagħhom ikkalkulat abbażi tad-daqs tal-azjenda agrikola u tal-outputs standard applikabbli għalihom.”

Għal aktar informazzjoni wieħed jista’ jibgħat email fuq agripolicy.mafa@gov.mt.

STQARRIJA MILL-MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI: Tisħiħ tas-settur agrikolu permezz ta’ sett ta’ regolamenti ġodda
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  European funding through the Erasmus+ programme to strengthen educators’ professional development

PR261925EN

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

Aktar Stqarrijiet Right arrow