STQARRIJA MILL-KUMMISSJONI ELETTORALI: Elezzjonijiet għall-Parlament Ewropew u għall-Kunsilli Lokali – 2024
Persuni maħtura biex iservu bħala Assistenti Kummissjonarji Elettorali jew Uffiċjali tal-Post tal-Votazzjoni
Il-Kummissjoni Elettorali tavża li d-dettalji tal-persuni maħtura biex iservu bħala Assistenti Kummissjonarji jew Uffiċjali tal-Post tal-Votazzjoni (inklużi r-riservi) fl-Elezzjonijiet għall-Parlament Ewropew u għall-Kunsill Lokali ġew ippubblikati fil-Gazzetta tal-Gvern tal-10 ta' Mejju, 2024.
Il-Kummissjoni Elettorali tavża lil dawk il-persuni li se jservu (inklużi r-riservi) fl-4 ta' Ġunju, 2024, illi se jkunu jistgħu jivvotaw biss is-Sibt l-1 ta' Ġunju, 2024. Il-kumplament tal-Assistenti Kummissjonarji Elettorali u l-Uffiċjali tal-Post tal-Votazzjoni (inklużi r-riservi) se jkunu jistgħu jivvotaw biss it-Tlieta l-4 ta' Ġunju, 2024, fil-Kumpless tal-Għadd tal-Voti fin-Naxxar jekk huma votanti rreġistrati fuq Malta u fil-Farm Sperimentali tal-Gvern fix-Xewkija jekk huma votanti rreġistrati fuq Għawdex. L-Assistenti Kummissjonarji Elettorali u l-Uffiċjali tal-Post tal-Votazzjoni għandhom jattendu personalment fil-post u data indikata u jippreżentaw id-dokument/i tal-vot biex jivvotaw. Il-ħinijiet ikunu dejjem mis-7.00 am sal-10.00 pm bla waqfien.
Bla ebda mod ma jkun possibbli li dawn il-persuni hekk maħtura jivvotaw is-Sibt it-8 ta' Mejju, 2024, anke jekk jirtiraw mill-kariga.
Stqarrijiet Oħra:
PR261926
STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...
PR261925EN