Left arrow Mur Lura

STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI Iffirmat ftehim bejn id-Dipartiment għax-Xogħlijiet Pubbliċi u l-Kunsill Lokali ta’ Ħal Kirkop għal estensjoni u rinnovar ta’ Ġnien Rousset

PR240928
Date Icon 29/05/2024

Ġnien li għal snin twal kien mitluq se jinbidel fi spazju miftuħ għall-familji f'Ħal Kirkop

F'Ħal Kirkop, se titwettaq wegħda oħra li saret lir-residenti dik li jkollhom spazju miftuħ ieħor, hekk kif se jiġi implimentat il-proġett ta' estensjoni u rinnovar ta' Ġnien Rousset. Qal dan is-Segretarju Parlamentari għax-Xogħolijiet Pubbliċi Omar Farrugia waqt l-iffirmar ta' ftehim bejn id-Dipartiment għax-Xogħlijiet Pubbliċi u l-Kunsill Lokali ta' Ħal Kirkop. Dan il-proġett se jsir b'investiment ta' €400,000.

Ix-xogħlijiet f'dan il-ġnien se jikkonsistu f'pavimentar u kurduni ġodda, bankijiet tal-injam iddisinjati apposta u sistema ġdida ta' dawl b'numru ta' lampi moderni u dwal oħra imqiegħda f'livell baxx biex jikkumplimentaw is-sbuħija tal-post. Se tinħadem funtana ġdida b'disinn iktar modern u sistema ġdida ta' wifi b'xejn għall-pubbliku.

Barra min hekk, dan il-ġnien se jkollu żona ġdida fejn jilgħabu t-tfal filwaqt li se jiżdiedu wkoll numri ta' parkeġġi għall-karozzi fuq barra. Se ssir preservazzjoni tas-siġar eżistenti li joffru medded kbar ta' dell u se titkabbar il-footprint ħadranija b'numru ta' sodod tal-fjuri kkuluriti.

Il-punti ta' aċċess għall-ġnien mill-bankini tal-madwar se jkunu kollha aċċessibbli għall-persuni b'diżabilità.

Is-Segretarju Parlamentari Omar Farrugia qal, “Din iż-żona sabiħa tal-pajjiż għandha karatteristiċi uniċi u filwaqt li dawk se nippreservawhom se nkomplu nagħtu valur miżjud lil dawn l-inħawi bi spazji ħodor u miftuħa għall-familji. Dan il-Gvern kommess li jkompli jinvesti f'dawn il-komunitajiet u f'Ħal Kirkop se nagħtu lill-familji ġnien ieħor mill-isbaħ, li huwa wieħed minn sensiela ta' proġetti li minnu se jgawdu l-Koppin u n-nies tal-madwar."

Is-Sindku ta' Ħal Kirkop Terence Agius radd ħajr lid-Dipartiment għax-Xogħlijiet Pubbliċi għal dan il-proġett li ddeskrivih bħala wieħed bżonnjuż ferm għall-lokalità. Huwa qal li jħares 'il quddiem biex dan il-proġett jitressaq għall-konsultazzjoni tar-residenti u wara jibdew il-proċeduri biex jiġi implimentat fl-inqas żmien possibbli.

STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI Iffirmat ftehim bejn id-Dipartiment għax-Xogħlijiet Pubbliċi u l-Kunsill Lokali ta’ Ħal Kirkop għal estensjoni u rinnovar ta’ Ġnien Rousset
STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI Iffirmat ftehim bejn id-Dipartiment għax-Xogħlijiet Pubbliċi u l-Kunsill Lokali ta’ Ħal Kirkop għal estensjoni u rinnovar ta’ Ġnien Rousset
STQARRIJA MIS-SEGRETARJAT PARLAMENTARI GĦAX-XOGĦLIJIET PUBBLIĊI Iffirmat ftehim bejn id-Dipartiment għax-Xogħlijiet Pubbliċi u l-Kunsill Lokali ta’ Ħal Kirkop għal estensjoni u rinnovar ta’ Ġnien Rousset
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow