Left arrow Mur Lura

STQARRIJA MILL-MINISTERU GĦALL-WIRT KULTURALI, L-ARTI U L-GVERN LOKALI Proġett ta’ tisbiħ fi spazju rikreattiv fl-Imqabba

pr240920
Date Icon 28/05/2024

Ġie inawgurat proġett ta’ tisbiħ fi spazju rikreattiv fl-Imqabba, mill-Ministru għall-Wirt Kulturali, l-Arti u l-Gvern Lokali Owen Bonnici u mis-Segretarju Parlamentari għall-Gvern Lokali Alison Zerafa Civelli flimkien mas-Sindku tal-Imqabba Grace Marie Zerafa.

Il-proġett ta’ tisbiħ fi Ġnien il-Mentna f’Pjazza Ġublew tad-Djamanti sar b’investiment ta’ madwar €55,000, li parti minnu kien iffinanzjat mill-iskema ‘Finanzjament ta’ Proġetti Kapitali – Komunitajiet isbaħ u aktar b’saħħithom’ li tinħareġ minn żmien għal żmien mid-Diviżjoni tal-Gvern Lokali. Wieħed mill-għanijiet ta’ din l-iskema huwa li tgħin b’mod finanzjarju lill-kunsilli lokali iwettqu proġetti diversi fil-lokalitajiet rispettivi tagħhom. 

Il-Ministru Owen Bonnici spjega li l-proġett ta’ tisbiħ fi Ġnien il-Mentna fl-Imqabba jirrifletti l-impenn tal-Gvern u tal-kunsill lokali biex itejbu l-kwalità tal-ħajja tar-residenti.

“Ix-xogħol inkluda kisi mill-ġdid tal-ħitan, sistema ġdida ta’ dawl, bandli, kif ukoll pjanti u sistema ta’ kameras tas-sigurtà. Dan l-ispazju rikreattiv issa joffri ambjent aħjar, aktar sigur u pjaċevoli għall-familji, u jsaħħaħ is-sens ta’ komunità”, temm jgħid il-Ministru Bonnici.

Is-Segretarju Parlamentari Zerafa Civelli faħħret il-ħidma u l-impenn tal-Kunsill Lokali tal-Imqabba li għaraf il-bżonn ta’ dan l-ispazju biex jiġi riġenerat u jingħata dehra isbaħ. Hija qalet li l-Gvern kommess li jibqa’ jsostni lill-kunsilli lokali b’dak kollu meħtieġ sabiex ikomplu jwettqu proġetti fil-qalba tal-lokalitajiet rispettivi tagħhom skont il-bżonn tal-lokalità u r-residenti, li jinbidlu maż-żminijiet. 

“Il-kunsilli lokali li huma l-ewwel referenza għar-residenti u li huma familjari sew mal-lokalitajiet rispettivi tagħhom, jibqgħu huma l-aħjar u l-aktar sors effiċjenti biex jidentifikaw il-bżonnijiet tal-irħula u l-ibliet tagħhom. Għaldaqstant huma stess jafu b’liema mod dawk il-bżonnijiet jistgħu jiġu indirizzati” temmet tgħid is-Segretarju Parlamentari Zerafa Civelli. 

Dan il-proġett ta’ tisbiħ kien jikkonsisti minn kisi mill-ġdid tal-ħitan kollha tal-ġnien u sar cladding fuq iċ-ċnut li jdawru dan l-ispazju. Ġiet installata sistema ta’ dawl ġdida u għamara ġdida bħal bankijiet u tgħamir ġdid tal-bandli mgħammar b’safety flooring. Tħawlu wkoll aktar siġar u pjanti ma’ dawk eżistenti. Ġiet installata sistema ġdida ta’ kameras tas-sigurtà u saret estensjoni tal-pump room. Sar ukoll xogħol estensiv sabiex il-funtana reġgħet bdiet tiffunzjona mill-ġdid. 

Min-naħa tagħha, is-Sindku tal-Imqabba Grace Marie Zerafa qalet li l-kunsill lokali għaraf li dan il-ġnien kellu l-ħtieġa li jiġi riġenerat sabiex ikun jista’ jitgawda mir-residenti, speċjalment mit-tfal. “Bħala kunsill dejjem rajna li kull skema li joħroġ id-Dipartiment għall-Gvern Lokali napplikaw għaliha u nieħdu kull opportunità, għaliex nemmnu li rridu nibqgħu qrib ir-residenti u nagħtuhom dak li jixtiequ sabiex intejbu l-kwalità tal-ħajja tagħhom,” temmet tgħid is-Sinjura Zerafa. 

Għal din l-inawgurazzjoni kien hemm preżenti wkoll diversi membri mill-kunsill lokali tal-Imqabba. 

STQARRIJA MILL-MINISTERU GĦALL-WIRT KULTURALI, L-ARTI U L-GVERN LOKALI Proġett ta’ tisbiħ fi spazju rikreattiv fl-Imqabba
STQARRIJA MILL-MINISTERU GĦALL-WIRT KULTURALI, L-ARTI U L-GVERN LOKALI Proġett ta’ tisbiħ fi spazju rikreattiv fl-Imqabba
STQARRIJA MILL-MINISTERU GĦALL-WIRT KULTURALI, L-ARTI U L-GVERN LOKALI Proġett ta’ tisbiħ fi spazju rikreattiv fl-Imqabba
STQARRIJA MILL-MINISTERU GĦALL-WIRT KULTURALI, L-ARTI U L-GVERN LOKALI Proġett ta’ tisbiħ fi spazju rikreattiv fl-Imqabba
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow