Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Malta tingħaqad ma’ stati membri oħra tal-UE biex ittaffi s-sitwazzjoni umanitarja fis-Sirja

pr240918
Date Icon 28/05/2024

Malta għal darb’ oħra qed tingħaqad ma’ stati membri oħra tal-Unjoni Ewropea li qed jikkommettu għajnuna finanzjarja għall-komunitajiet Sirjani li qed jgħixu diffikultajiet umanitarji kemm ġewwa s-Sirja kif ukoll f’pajjiżi ġirien u fil-komunitajiet li qed jospitawhom fit-Turkija, il-Lebanon, il-Ġordan u l-Iraq.

L-għajnuna finanzjarja tal-Unjoni Ewropea lill-poplu tas-Sirja għall-2024 u l-2025 tħabbret waqt it-tmien edizzjoni tal-Konferenza ta’ Brussell bit-tema ‘Nappoġġjaw il-futur tas-Sirja u r-reġjun’, li saret fi Brussell, it-Tnejn filgħaxija. Il-Ministru għall-Affarijiet Barranin u Ewropej u l-Kummerċ Ian Borg u r-Rappreżentazzjoni ta’ Malta għall-UE ħadu sehem f’din il-laqgħa f’isem Malta. 

Il-kriżijiet ekonomiċi u umanitarji fis-Sirja u s-sitwazzjoni tar-rifuġjati Sirjani fil-pajjiżi ġirien qed tkompli sejra lura. L-għajnuna finanzjarja mwiegħda minn Malta u stati membri oħrajn hija parti minn sforz Ewropew sabiex tiġi indirizzata din is-sitwazzjoni umanitarja li qed tkompli sejra lura. 

Waqt il-laqgħa, Malta tenniet l-impenn determinat tagħha għall-paċi, is-sigurtà u l-istabbiltà f’dan ir-reġjun, filwaqt li enfasizzat l-importanza li jerġa’ jitlaqqa’ l-Kumitat Kostituzzjonali, pass ewlieni fil-proċess politiku ffaċilitat min-Nazzjonijiet Magħquda. 

Malta faħħret ukoll il-ħidma tal-pajjiżi ġirien tas-Sirja – l-Eġittu, il-Ġordan, il-Lebanon, l-Iraq u t-Turkija – sabiex jospitaw ir-refuġjati Sirjani, filwaqt li sejħet għal aktar appoġġ għal dawn il-pajjiżi sabiex isaħħu r-reżiljenza u l-iżvilupp tagħhom.   

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Malta tingħaqad ma’ stati membri oħra tal-UE biex ittaffi s-sitwazzjoni umanitarja fis-Sirja
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow