Left arrow Go Back

STQARRIJA MILL-MINISTERU GĦAS-SAĦĦA U L-ANZJANITÀ ATTIVA Ftehim kollettiv b’benefiċċji akbar għall-ħaddiema tal-Awtorità Maltija għall-Mediċini

pr240916
Date Icon 27/05/2024

Ġie ffirmat ftehim kollettiv bejn l-Awtorità Maltija għall-Mediċini u l-UĦM li ser ikun qed jara titjieb fil-kundizzjonijiet u s-salarji għall-ħaddiema tal-Awtorità li se jkun fis-seħħ sal-2027.

Il-ftehim kollettiv ġie ffirmat mill-Kap Eżekuttiv tal-Awtorità Maltija għall-Mediċini Prof. Anthony Serracino Inglott u d-Direttur tal-UĦM Voice of the Workers Mario Sacco. L-iffirmar sar fil-preżenza tal-Ministru għas-Saħħa u l-Anzjanità Attiva Jo Etienne Abela li qal li l-ftehim il-ġdid se joħloq ambjent aħjar għall-ħaddiema sabiex ikomplu jtejbu s-servizz li jagħtu lill-pubbliku.

“Dan hu ftehim kollettiv importanti għall-ħaddiema tal-Awtorità fosthom spiżjara, xjentisti u ħaddiema amministrattivi, fejn se jara titjib fil-kundizzjonijiet tax-xogħol tal-ħaddiema," qal il-Ministru Jo Etienne Abela filwaqt li tenna li dan huwa wieħed minn kullana ta' ftehimiet oħra li ġew konklużi fl-aħħar xhur.

Il-Kap Eżekuttiv Prof. Anthony Serracino Inglott qal, “Permezz ta' dan il-ftehim kollettiv qed nuru apprezzament lejn ix-xogħol siewi li jagħmlu l-ħaddiema tal-Awtorità, fejn parti mill-ħidma tagħhom hija biex jiżguraw li jkun hawn numru ta' mediċini aċċessibbli f'pajjiżna u li jkunu tal-ogħla kwalità."

Il-konklużjoni tan-negozjati bejn il-UĦM u l-Awtorità Maltija għall-Mediċini, bil-kontribut siewi tal-Ministeru għas-Saħħa u l-Anzjanità Attiva u d-Diviżjoni għan-Nies u Standards fi ħdan l-Uffiċċju tal-Prim Ministru jirrifletti dedikazzjoni kollettiva. Dan il-Ftehim Kollettiv ikompli irawwem ambjent tax-xogħol ta' appoġġ u flessibilita li joffri bilanċ xieraq bejn ix-xogħol u l-familja. 

Il-ftehim il-ġdid jinkludi pakkett finanzjarju mtejjeb flimkien ma' miżuri li  jinkludu opportunitajiet kif l-impjegati jistgħu jilħqu il-milja ta' kompetenza mill-aspett ta' edukazzjoni u prattika imsejjsa fuq prinċipji ta' ugwaljanza.

STQARRIJA MILL-MINISTERU GĦAS-SAĦĦA U L-ANZJANITÀ ATTIVA Ftehim kollettiv b’benefiċċji akbar għall-ħaddiema tal-Awtorità Maltija għall-Mediċini
STQARRIJA MILL-MINISTERU GĦAS-SAĦĦA U L-ANZJANITÀ ATTIVA Ftehim kollettiv b’benefiċċji akbar għall-ħaddiema tal-Awtorità Maltija għall-Mediċini
STQARRIJA MILL-MINISTERU GĦAS-SAĦĦA U L-ANZJANITÀ ATTIVA Ftehim kollettiv b’benefiċċji akbar għall-ħaddiema tal-Awtorità Maltija għall-Mediċini
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow