Left arrow Mur Lura

STQARRIJA MIS-SEGRETARJAT PARLAMENTARI GĦALL-GVERN LOKALI Bandli ġdid għall-familji ta’ Burmarrad

pr240878
Date Icon 22/05/2024

Ġie inawgurat spazju rikreattiv ġdid f’Burmarrad, fil-lokalità ta’ San Pawl il-Baħar. Dan il-bandli ġie inawgurat mis-Segretarju Parlamentari għall-Gvern Lokali Alison Zerafa Civelli flimkien mas-Sindku ta’ San Pawl il-Baħar Alfred Grima u l-kunsilliera. 

Dan il-bandli ġdid sar b’investiment ta’ madwar €160,000. Il-Kunsill Lokali ta’ San Pawl il-Baħar ingħata dawn il-fondi permezz tal-iskema ‘Finanzjament għall-Iżvilupp u Titjib fil-kundizzjonijiet tal-Playing Fields fil-Lokalitajiet f’Malta u f’Għawdex’ li tinħareġ minn żmien għal żmien mid-Diviżjoni tal-Gvern Lokali. L-għan ewlieni ta’ din l-iskema huwa li l-kunsilli lokali jkomplu jsostnu l-importanza tal-isport u tar-rikreazzjoni, li huma żewġ fatturi importanti li jikkontribwixxu għall-kwalità ta’ ħajja aħjar. 

Is-Segretarju Parlamentari Alison Zerafa Civelli faħħret l-impenn tal-Kunsill Lokali ta’ San Pawl il-Baħar favur dan il-proġett u qalet li l-gvern kommess li jibqa’ jsostni lill-kunsilli lokali f’dak kollu meħtieġ sabiex ikomplu jindirizzaw il-bżonnijiet li jinbidlu maż-żminijiet tal-lokalitajiet u r-residenti rispettivi. 

“L-ispazji miftuħa u spazji rikreattivi, bħal dan il-bandli f’Burmarrad, huma u ser jibqgħu ta’ prijorità fil-ħidma tagħna favur it-titjib tal-kwalità tal-ħajja tar-residenti Maltin u Għawdxin,” temmet tgħid is-Segretarju Parlamentari Zerafa Civelli.  

Ix-xogħlijiet kienu jinkludu l-installazzjoni ta’ railings ġodda mal-kumplament tad-dawra tal-bandli u grada fl-entratura għal aktar sigurtà. Ġie installat tagħmir ġdid tal-bandli kif ukoll tagħmir ġdid ta’ outdoor gym ikkumplimentat b’pavimentar adegwat. L-ispazju kollu tal-bandli ġie riġenerat b’xogħlijiet ta’ tisbiħ u manutenzjoni li jinkludu xogħol ta’ żebgħa, installazzjoni ta’ bibien tal-injam f’żewġ kmamar fil-bandli u tħawwil ta’ pjanti. Ġiet installata wkoll sistema ġdida ta’ dawl u sistema tal-kameras tas-sigurtà. 

Min-naħa tiegħu, is-Sindku Alfred Grima qal li l-Kunsill Lokali ta’ San Pawl il-Baħar ħadem sabiex tiġi attwata l-politika nazzjonali fir-rigward li jiżdiedu l-ispazji miftuħa u rikreattivi għall-familji Maltin u Għawdxin. Huwa żied jgħid li dan il-proġett seta’ jitwettaq permezz tal-fondi li ġie ffinanzjat il-kunsill lokali mid-Diviżjoni tal-Gvern Lokali.

STQARRIJA MIS-SEGRETARJAT PARLAMENTARI GĦALL-GVERN LOKALI Bandli ġdid għall-familji ta’ Burmarrad
STQARRIJA MIS-SEGRETARJAT PARLAMENTARI GĦALL-GVERN LOKALI Bandli ġdid għall-familji ta’ Burmarrad
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow