Left arrow Go Back

STQARRIJA MIS-SEGRETARJAT PARLAMENTARI GĦALL-INDAFA PUBBLIKA Naħdmu id f’id mal-komunitajiet: servizz ġdid għat-tindif wara l-festi

pr240867
Date Icon 20/05/2024

Illum tħabbret skema ġdida li permezz tagħha d-Diviżjoni tal-Manutenzjoni u Tindif se toffri s-servizzi tagħha bla ħlas għat-tindif matul il-jiem tal-festi fil-lokalitajiet Maltin.

Id-Direttur Ġenerali tad-Diviżjoni Ramon Deguara spjega li bħala Diviżjoni għat-Tindif u l-Manutenzjoni qed testendi s-servizzi tagħha lill-komunitajiet fejn ikunu organizzati l-festi u dan se tagħmlu bla ħlas bħala mezz ta' kif id-diviżjoni tagħti lura lis-soċjetà.

Għaldaqstant, din l-iskema se tkun qed tingħata bla ħlas għal dawk il-kunsilli u l-għaqdiet tal-festi kollha li volontarjament japplikaw għaliha permezz ta' talba uffiċjali lid-Diviżjoni għat-Tindif u l-Manutenzjoni.

Is-Segretarju Parlamentari Glenn Bedingfield qal li jeħtieġ sforz kollettiv biex nieħdu ħsieb pajjiżna b'kull mod. “Irridu naħdmu id f'id mal-lokalitajiet għaliex aħna naħdmu għan-nies u l-festi huma tan-nies, il-qofol ta' kull lokalità."

Is-segretarju parlamentari qal li skemi bħal dawn huma possibbli grazzi għall-investiment multimiljunarju li sar mid-diviżjoni fl-aħħar teknoloġiji assistiti mill-Intelliġenza Artifiċjali. “Nistgħu nidħlu għal dan l-impenn għaliex għandna fiduċja fil-kapaċitajiet tal-ħaddiema tagħna u qed ninvestu fihom, tant li għadna kif ħabbarna żidiet fil-pagi u l-kundizzjonijiet tax-xogħol".

“Dan kollu jixhed is-sostenn u l-impenn tagħna lejn pajjiż iżjed nadif u miżmum kif għandu jkun. Dan għaliex permezz ta' investiment b'saħħtu kemm fir-riżorsi teknoloġiċi u wisq aktar, fir-riżorsa umana tagħna, qed jirnexxilna nwessgħu s-servizzi li noffru madwar il-komunitajiet Maltin kollha," kompla s-segretarju parlamentari.

Huwa rringrazzja lill-għaqdiet kollha li jaħdmu b'tant passjoni waqt żmien il-festi u spjega li permezz ta' din l-iskema se jkun qed jara li d-diviżjoni taħdem id f'id mal-attivisti u mal-lokalitajiet kollha sabiex il-belt jew ir-raħal jerġgħu jiġu lura għal li kienu fl-inqas ħin possibbli.

STQARRIJA MIS-SEGRETARJAT PARLAMENTARI GĦALL-INDAFA PUBBLIKA Naħdmu id f’id mal-komunitajiet: servizz ġdid għat-tindif wara l-festi
STQARRIJA MIS-SEGRETARJAT PARLAMENTARI GĦALL-INDAFA PUBBLIKA Naħdmu id f’id mal-komunitajiet: servizz ġdid għat-tindif wara l-festi
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow