Left arrow Mur Lura

STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono

pr240862
Date Icon 20/05/2024

“Il-Ġgantija hija mafkar għall-ħiliet tan-nies li mill-qedem għexu f’dawn il-gżejjer. Dawn it-tempji f’Għawdex huma wkoll mafkar ta’ 8000 sena storja ta’ pajjiżna. Hawnhekk inħossni qed nagħti ġieħ lill-patrimonju għani immens ta’ pajjiżna u nsellem lill-ġenerazzjonijiet li ġew qabilna u li ħallewlna dan kollu.” 

Hekk stqarret il-President ta’ Malta, Myriam Spiteri Debono meta l-Ħadd kienet qed iżżur il-park arkeoloġiku tal-Ġgantija fix-Xagħra, Għawdex akkumpanjata miċ-Chairman ta’ Heritage Malta u President tal-maltabiennale.art 2024, is-Sur Mario Cutajar. Il-Ġgantija għandha status ta’ wirt dinji mill-UNESCO. 

Waqt li żaret iċ-ċentru tal-viżitaturi, il-President Myriam Spiteri Debono ngħatat tagħrif dwar l-iskavi, sejbiet u studji li saru u għadhom isiru. Hija kellha wkoll l-opportunità żżur ix-xogħlijiet artistiċi ta’ Ibrahim Mahama li bħalissa jinsabu fil-Ġgantija.

Il-President Spiteri Debono ġiet ippreżentata bl-ewwel kopja tal-katalogu uffiċjali tal-maltabiennale.art 2024 li għadu kemm ġie ppubblikat. Il-President ta’ Malta qed tagħti l-patroċinju tagħha, flimkien mal-UNESCO, lil din l-ewwel edizzjoni tal-maltabiennale.art li tiġi fi tmiemha fl-aħħar ta’ dan ix-xahar.

Matul il-jum tal-Ħadd, il-President ta’ Malta attendiet ukoll għal pontifikal solenni fil-Parroċċa tal-Viżitazzjoni fl-Għarb, Għawdex fl-okkażjoni tal-250 anniversarju mit-twaqqif tal-Kolleġġjata. Ippreseda l-funzjoni l-Eminenza tiegħu l-Kardinal Mario Grech. Il-President żaret ukoll il-Fondazzjoni OASI fejn iltaqgħet mill-qrib mar-residenti u mal-istaff. 

STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono
STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono
STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono
STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono
STQARRIJA MILL-UFFIĊĊJU TAL-PRESIDENT Żjara f’Għawdex mill-President ta’ Malta, Myriam Spiteri Debono
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow