Left arrow Go Back

STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ

pr240861
Date Icon 20/05/2024

F’Ħal Far, il-Prim Ministru Robert Abela ħabbar investiment barrani ġdid li se jkun qed jimmanifattura partijiet minn turbini li jmorru f’wind farms li jiġġeneraw enerġija nadifa. L-investiment minn kumpanija mit-Turkija, GIMAS, se tkun qed tibni fabbrika b’investiment ta’ €7.5 miljun u tiġġenera 44 impjieg ġdid. Se titwaqqaf ukoll akkademja biex jitħarrġu ħaddiema f’oqsma speċjalizzati. 

Il-Prim Ministru qal li llum qed nassistu għall-bidu ta’ settur industrijali ġdid, l-ewwel tax-xorta tiegħu, b’investiment fi prodotti għal enerġija nadifa li se joħolqu green jobs. Dak li se jkun manifatturat hawn Malta se jmur f’turbini li jiġġeneraw enerġija nadifa.

“Meta naħseb fl-iżvilupp sostenibbli ma naħsibx biss fuq l-ambjent, imma naħseb fl-opportunijiet ekonomiċi u impjiegi. Għedt kemm-il darba li t-tibdil fil-klima, bħal kull sfida oħra, tista’ tkun l-aqwa opportunità ekonomika għall-ġenerazzjoni tagħna”, sostna l-Prim Ministru. 

Huwa qal illi għalhekk dan l-investiment ġdid f’Malta qed iseħħ fi żmien importanti biex inkomplu niddiversfikaw l-ekonomija tagħna f’setturi ta’ innovazzjoni, teknoloġija u enerġija nadifa. Dan huwa l-qofol ukoll tal-Politika Nazzjonali dwar Enerġija Rinovabbli Offshore u l-politika ekonomika tagħna.

Il-Prim Ministru qal illi l-ekonomija qed tesperjenza tkabbir bla precedent, fejn għandna l-ogħla rata ta’ tkabbir u l-inqas rata ta’ qgħad fl-Ewropa. Sostna li pajjiżna jinsab f’fażi ekonomika kruċjali fejn qed nagħmlu transformazzjoni bżonnjuża biex nilħqu l-miri ambjentali. 

“Bis-saħħa ta’ hekk qed nattiraw investiment li jiffoka fuq kumpaniji li jħallu valur ogħla fl-ekonomija Maltija”, qal il-Prim Ministru. Huwa temm id-diskors tiegħu billi qal li fil-futur se nħarsu lejn din il-ġurnata bħala l-bidu ta’ era ġdida għas-settur tal-manifattura f’Malta – l-era tal-ekonomija l-ħadra.

Min-naħa tiegħu, il-Ministru għall-Ekonomija, l-Intrapriża u Proġetti Strateġiċi Silvio Schembri qal li l-investiment li se jagħmlu Gimas f’pajjiżna huwa turija oħra tal-fiduċja li kumpaniji kbar internazzjonali għandhom fl-ekonomija ta’ pajjiżna.

“Għal darb’oħra llum qegħdin pass eqreb biex nilħqu l-mira ambizzjuża li nixtiequ nilħqu din is-sena, dik li tkun sena rekord għall-investiment dirett barrani f’pajjiżna. Proġett bħal dak li ħabbarna llum u ħafna proġetti oħrajn ma kinux ikunu possibbli mingħajr sinerġija sħiħa bejn l-entitajiet tagħna, fosthom Malta Enterprise u INDIS li qed iwasslu l-kunċett tagħna ta’ kumpaniji ta’ kwalità, li joffru impjiegi ta’ kwalità f’dan il-każ f’qasam ekonomiku ġdid għal pajjiżna, dak tal-ġenerazzjoni ta’ enerġija nadifa kif wkoll akkademja sabiex il-ħaddiema jtejbu l-kapaċitajiet tagħhom u b’hekk jiżdiedu l- opportunitajiet b’pagi aħjar. Dan imur id f’id mal-linja tal-gvern għal aktar sostenibbiltà u b’rispett sħiħ lejn l-ambjent”, temm jgħid il-Ministru.

STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ
STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ
STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ
STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ
STQARRIJA MILL-UFFIĊĊJU TAL-PRIM MINISTRU Imħabbar investiment barrani ġdid ta’ €7.5 miljun li se jkun qed jimmanifattura partijiet minn turbini tar-riħ
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow