Left arrow Mur Lura

​ STQARRIJA MILL-UFFIĊĊJU TAS-SEGRETARJU PERMANENTI EWLIENI ​5,200 student u 600 għalliem iżuru l-Public Service Expo24

pr240847
Date Icon 17/05/2024

Kien nofstanhar speċjali għal 5,200 student u 600 għalliem minn skejjel medji u sekondarji li kellhom l-opportunità li jżuru l-Public Service Expo24 li qiegħda tittella' ġewwa l-MFCC f'Ta' Qali. L-istudenti setgħu jsegwu mill-qrib il-ħidma tal-amministrazzjoni pubblika, attivitajiet ferm interessanti u anke kellhom iċ-ċans li jieħdu sehem f'kompetizzjonijiet imfassla għalihom.

Fost dawn l-istudenti kien hemm madwar 500 student li ġew minn Għawdex. Il-bqija minn skejjel differenti minn kull rokna ta' Malta.

Fost l-aktar li laqtu interess kien hemm l-istands fuq ġewwa tad-dipartimenti u entitajiet, fejn ħafna wrew ix-xewqa li anke huma la jikbru, jissieħbu fl-amministrazzjoni pubblika u jfittxu karriera li tagħtihom sodisfazzjon. Fuq barra, l-istudenti setgħu jieħdu sehem f'attivitajiet fiżiċi fosthom f'korsa tal-ostakli u sports, kif ukoll setgħu jsegwu numru ta' shows fosthom dawk relatati ma' salvataġġ f'emerġenzi, u wirjiet tal-klieb minn K9 units differenti wkoll. Hawnhekk serqet il-qlub tal-istudenti l-mascot tal-Public Service Expo24, kelba irtirata tad-dwana bl-isem ta' Sophie.

   Wara li żaru l-Public Service Expo24, l-istudenti ma setgħux ma jitilqux bi tbissima fuq fommhom hekk kif ingħataw oġġetti ta' tifkira u merchandise uniku għall-okkażjoni. 

Kull min għadu ma żarx il-Public Service Expo għadu biċ-ċans li jagħmel dan fil-jumejn li ġejjin -

Is-Sibt, 18 u l-Ħadd, 19 ta' Mejju mill-10.00 a.m. sal-4.00 p.m.

Id-dħul għall-pubbliku huwa b'xejn u se jkun min-North Entrance tal-MFCC fejn hemm spazju kbir allokat għall-parkeġġ.

Reġistrazzjoni għall-Expo tista' ssir minn https://pseregistration.gov.mt/registrazzjoni/ jew dakinhar stess mal-wasla tiegħek.

Kull min jixtieq aktar tagħrif għandu jsegwi l-paġni soċjali tas-Servizz Pubbliku.

​ STQARRIJA MILL-UFFIĊĊJU TAS-SEGRETARJU PERMANENTI EWLIENI ​5,200 student u 600 għalliem iżuru l-Public Service Expo24
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow